ەفيوپيا تايپاسىنىڭ ەرلەرى ەڭ سەمىز دەپ اتانۋ ءۇشىن 6 اي سيىردىڭ قانىن ىشەدى - فوتو

بودي نەمەسە مەەن دەپ اتالاتىن بۇل تايپادا ادام سەمىز بولعان سايىن ادەمى دەپ سانالادى.
ەفيوپيانىڭ ومو مەكەنىندە تۇراتىن بۇل تايپانىڭ ادام شوشىرلىق سالتتارى بار. ەر ادامدارى 6 اي بويى سيىردىڭ سۇتىمەن قانىن ارالاستىرىپ ءىشىپ، سەمىز بولۋعا تالپىنادى. جەڭىسكە جەتكەندەر ءومىرىنىڭ سوڭىنا دەيىن باتىر اتانادى.
فرانسۋز فوتوگرافى ەريك لاففورگ وسى سالتتى الەمگە جاريالادى.
ءالى دە ەسكى زامانداي تۇرمىس كەشەتىن مەكەننىڭ ادامدارى تاياق ۇستاپ، اتاقونىستارىن قورعايدى.
بۇل تايپانىڭ كادىمگى ەفيوپيالىقتاردان ايىرماشىلىعى بار. قالالىقتار ولاردى جابايى دەپ سانايدى. ويتكەنى، بۇل تايپا ءالى كۇنگە دەيىن دەنەلەرىنە جاراقاتتار سالىپ، ەرىندەرىن تەسىپ، الدىڭعى تىستەرىن جۇلىپ تاستايدى. ولاردىڭ بالالارى جاۋىن ولتىرگەندە عانا ناعىز ەر ادام بولىپ ەسەپتەلەدى. ەر ادامدار ايەل الۋ ءۇشىن 25 سيىر مەن كالاشنيكوۆ اۆتوماتىن بەرەدى.
ماۋسىم ايىندا بولاتىن جاڭا جىل مەرەكەسىنە دايىندالاتىن ەرلەرى سەمىرۋ ءۇشىن سيىردىڭ قانى مەن ءسۇتىن ىشەدى. ءاربىر وتباسى بويداق ءبىر ەر ادامدى دايىنداي الادى. بايقاۋ 6 ايعا جالعاسادى.
سيىردىڭ قانىن ونىڭ كۇرە تامىرىن تەسىپ الادى. كەيىن سيىردىڭ تامىرىنا بالشىق جاعىپ تاستايدى.
كوپ ادام قاندى جيىركەنىپ ىشە المايدى. سەمىرگەن ەر ادامداردىڭ كەيبىرى جۇرە الماي قالادى. سالتانات كەزىندە جارىسقا قاتىسۋشىلار اۋليە اعاشتى اينالىپ جۇرەدى. وزگەلەرى ولاردى باقىلاپ تۇرادى. ايەلدەرى ولاردىڭ تەرىن سۇرتەدى.
كەيىن ەڭ سەمىز ەر ادام تاڭدالعان سوڭ سيىردى ءولتىرىپ تاستايدى. سوسىن ونىڭ قارنى مەن قانىنا قاراپ، بولاشاقتى بولجايدى.
وسىدان كەيىن كەلەسى جىلعى بايقاۋدىڭ دايىندىعى باستالادى.
مۇنداعى ءار بالانىڭ ارمانى - ەڭ سەمىز ەر اتانۋ.
بۇل شارا كەزىندە ايەلدەر كۇيەۋجىگىت تاڭداپ قانا قويماي، اشەكەيلەرىن تاعىنىپ، ادەمى كيىمدەرىن كيۋگە اسىعادى.
Stan.kz