15:15, 12 - ءساۋىر 2022 | GMT +5
فرانسيا رەسەيدىڭ 6 ديپلوماتىن ەلدەن قۋدى
نۇر-سۇلتان. قازاقپارات - فرانسيا رەسەيدىڭ تاعى 6 ديپلوماتىن ەلدەن قۋدى، دەپ حابارلايدى «حابار 24».
ولارعا «تىڭشىلىق جاسادى» دەگەن ايىپ تاعىلعان. ءتيىستى قۇجات ەۋروپالىق ەلدىڭ سىرتقى ىستەر مينيسترلىگىنىڭ رەسمي سايتىندا جاريالاندى. فرانسيانىڭ ارنايى قىزمەتى تەرگەۋ جۇرگىزىپ، رەسەي ەلشىلىگىنىڭ قىزمەتكەرلەرى فرانسۋز مەملەكەتىنىڭ ۇلتتىق مۇددەسىنە قارسى جۇمىس ىستەدى دەگەن قورىتىندىعا كەلگەن.
ەستەرىڭىزگە سالا كەتەيىك، وسى ايدا رەسمي پاريج رەسەيدىڭ ۋكراينادا اسكەري وپەراتسيا باستاعان ارەكەتىنە نارازىلىق رەتىندە 35 ديپلوماتتى ەلىنە قايتارعان بولاتىن.
