قىرعىزستانمەن شەكارادا جالعان قۇجاتپەن تاۋار تاسىمالداپ بارا جاتقان 6 جۇك كولىگى ۇستالدى
قىرعىز رەسپۋبليكاسىنان كەلە جاتقان 6 جۇك كولىگىنە قاتىستى تاقىرىپتىق سالىقتىق تەكسەرۋ جۇرگىزۋ بارىسىندا قۇجاتتاردا قازاقستان رەسپۋبليكاسىنىڭ الۋشىسى رەتىندە كورسەتىلگەن كومپانيانىڭ اتالعان تاۋارلاردىڭ يمپورتىنا ەشقانداي قاتىسى جوق ەكەندىگى انىقتالدى. جۇرگىزىلگەن تەكسەرۋ اياسىندا كومپانيا باسشىسى يمپورتقا قاتىسى جوقتىعى تۋرالى مالىمدەمە جاسادى، وسىعان بايلانىستى اتالعان ءىس بويىنشا ماتەريالدار تاۋارلاردى مەملەكەت كىرىسىنە اينالدىرۋ ماقساتىندا سوتقا جىبەرىلەتىن بولادى.
مەملەكەتتىك كىرىستەر كوميتەتىنىڭ حابارلاۋىنشا، يمپورتقا قاتىسى جوق تۇلعالاردىڭ اتىنا تاۋارلاردى اكەلۋ ارەكەتى يمپورتقا قوسىمشا قۇن سالىعىن تولەۋدەن جالتارۋ ءۇشىن قولدانىلادى. قىرعىز رەسپۋبليكاسىمەن ءوزارا ساۋدادا كولەڭكەلى تاۋار اينالىمىن قىسقارتۋ ماقساتىندا ءبىرقاتار جۇمىس كەزدەسۋلەرى وتكىزىلدى. بۇل ماسەلە 2022 -جىلىعى 15-16 - اقپاندا الماتى قالاسىندا وتكەن قازاقستان رەسپۋبليكاسى مەن قىرعىز رەسپۋبليكاسىنىڭ ساۋدا- ەكونوميكالىق ىنتىماقتاستىعى جونىندەگى جۇمىس توبىنىڭ وتىرىسى بارىسىندا دا قارالدى.
ناتيجەلەرى بويىنشا قىرعىز رەسپۋبليكاسىنىڭ قارجى مينيسترلىگى جانىنداعى مەملەكەتتىك سالىق قىزمەتى 16 اقپاننان باستاپ ەكسپورتتاۋشىلاردا ەاەو ەلدەرىنە ەكسپورتتاۋ كەزىندە تاسىمالداناتىن تاۋارعا ەلەكتروندىق شوت- فاكتۋرالاردىڭ (ە ش ف) بولۋىن قامتاماسىز ەتۋ جونىندەگى مىندەتتەمەلەردى وزىنە الدى. دەگەنمەن، ە ش ف- سىز تاۋارلاردى وتكىزۋ فاكتىلەرى جالعاسۋدا. مىسالى، تەك 27-31 - ناۋرىز ارالىعىندا قىتاي ءوندىرىسىنىڭ حالىق تۇتىناتىن تاۋارلارىن تاسىمالداعان 345 جۇك ماشيناسىنىڭ 268- ءى (78%) ە ش ف- سىز جونەلتىلگەن. قالعان جاعدايلاردا ە ش ف بارلىق تاۋارعا راسىمدەلمەگەن.
«مەملەكەتتىك كىرىستەر كوميتەتى جۇرگىزگەن قىرعىز رەسپۋبليكاسىنان كەلە جاتقان جۇك اۆتوكولىك قۇرالدارىنا قاتىستى تەكسەرۋلەر قازاقستان رەسپۋبليكاسى مەن قىرعىز رەسپۋبليكاسىنىڭ ساۋدا- ەكونوميكالىق ىنتىماقتاستىعى جونىندەگى جۇمىس توبىنىڭ وتىرىسى بارىسىندا قول جەتكىزىلگەن ۋاعدالاستىقتارعا سايكەس كەلەتىنىن اتاپ وتكەن ءجون، ولارعا سايكەس تاقىرىپتىق سالىقتىق تەكسەرۋلەر تاسىمالداناتىن تاۋارعا ە ش ف بولماعان كەزدە جۇرگىزىلەدى»، - دەلىنگەن حابارلامادا.
