تىرناقتى قالپىنا كەلتىرەتىن جانە قاتايتاتىن 6 ءونىم
تىرناقتى قالپىنا كەلتىرۋ جانە قاتايتۋ ءۇ
شىن راتسيونعا قانداي ازىق-تۇلىكتەر قوسۋ كەرەك؟
اپەلسين
اپەلسين شىرىنى جالپى اعزانى سەرگىتىپ قانا قويماي، سونداي-اق تىرناق پلاستيناسىن قاتايتادى. ونىڭ سەبەبى اپەلسين باسقا دا تسيترۋستى جەمىستەر سەكىلدى س دارۋمەنى جانە تەمىرگە باي. سوندىقتان اپەلسين شىرىنى تىرناقتىڭ قاتتى بولۋىنا كومەكتەسەدى.
جۇمىرتقا
جۇمىرتقا — ەڭ پايدالى ونىمدەردىڭ ءبىرى ەكەنى بۇرىننان بەلگىلى. ونىڭ قۇرامىندا تىرناققا جانە جالپى تەرىگە پايدالى زاتتار بار. جۇمىرتقانىڭ قۇرامىنداعى كۇكىرت بىزگە تابيعي سۇلۋلىقتى ساقتاۋعا قاجەت. الايدا جۇمىرتقا مەن وملەتتەردى وتە كوپ جەمەگەن ءجون: ول كۇشتى اللەرگەنگە جاتادى.
جاڭعاقتار
جاڭعاقتار — ديەتا كەزىندە تاتتىلەردى اۋىستىراتىن پايدالى تىسكەباسار عانا ەمەس، سونداي-اق تەرىگە، تىرناققا جانە شاشقا قاجەتتى بارلىق مۇمكىن دارۋمەندەر مەن مينەرالداردىڭ كەرەمەت كوزى. جاڭعاقتاردا تىرناق قۇرىلىمىن قالپىنا كەلتىرەتىن مىرىش بار.
تەڭىز كوكونىستەرى
تىرناق پەن شاشقا، جالپى اعزاعا تەڭىز ونىمدەرى مەن بالىقتىڭ پايدالى ەكەنىن بىلەمىز. سول سەكىلدى تەڭىز قىرىققاباتى جانە باسقا دا تەڭىز بالدىرلارى تىرناقتى قاتايتادى جانە اعزانى زياندى ۋىتتاردان تازارتا الادى.
اسجاپىراق (شپينات)
اسجاپىراق اعزانىڭ تازارۋىنا ىقپال ەتەدى. ناتيجەسىندە، تىرناق سەكىلدى جەكە ەلەمەنتتەردىڭ قالپىنا كەلۋىنە كومەكتەسەدى. اسجاپىراقتا فوليي قىشقىلى مەن تەمىردىڭ كوپ مولشەرى جانە ۆ توبى دارۋمەندەرى بار. ولار ساۋ تىرناقتىڭ وسۋىنە جانە تەرىنىڭ جاسارۋىنا كومەكتەسەدى.
قيار
قيار %90 سۋدان تۇرادى. قيار اعزانى ىشتەي ىلعالداندىراتىندىقتان، ول قولدا داقتاردىڭ پايدا بولۋىن ازايتادى جانە تىرناق پلاستيناسىن جارقىراتادى.
massaget.kz
