وليمپيادانىڭ 6-شى كۇنى: گەرمانيا كوش باسىندا كەلەدى

بەيجىڭ. قازاقپارات - بۇگىن قىتاي استاناسى بەيجىڭ قالاسىندا ءوتىپ جاتقان اق وليمپيادا ويىندارىنىڭ 6-شى كۇنى دە ارتتا قالدى، دەپ حابارلايدى قازاقپارات ءتىلشىسى.

كۇن ساناپ وليمپيادا ويىندارى تارتىسقا تولا ءتۇستى. مەدالعا تالاس بارىسىندا كوشباسشى ەلدەر وزدەرىنىڭ مىقتىلىعىن دالەلدەپ قانا قويماي، كەيبىر سپورت تۇرلەرىنەن رەكوردتار جاساۋدا.

جالپى مەدالدار كەستەسى كۇن سايىن جاڭارىپ جاتىر. جۇلدە العان مەملەكەتتەر سانى دا كۇن ساناپ ارتۋدا.

ايتالىق، ەكى كۇننەن بەرى گەرمانيا التىن مەدالدار جاعىنان ەشكىمگە دەس بەرەر ەمەس. ولاردىڭ قورجىنىندا 6 التىن، 3 كۇمىس جۇلدە بار. ەكىنشى ورىندا 5 التىن، 3 كۇمىس، 4 قولا مەدالمەن نورۆەگيا قۇراماسى كەلە جاتىر.

بۇگىن ءۇشىنشى پوزيتسياعا كەشە عانا جالپى ەسەپتە 6-شى ورىندا تۇرعان اۆستريا قۇراماسى كوتەرىلدى.

مەدالدار كورسەتكىشىمەن ۇزدىك وندىقتا تۇرعان ەلدەر:

1. گەرمانيا - 6 التىن، 3 كۇمىس

2. نورۆەگيا - 5 التىن، 3 كۇمىس، 4 قولا

3. اۆستريا - 4 التىن، 5 كۇمىس، 4 قولا

4. ا ق ش - 4 التىن، 5 كۇمىس، 1 قولا

5. نيدەرلاندى - 4 التىن، 3 كۇمىس، 1 قولا

6. شۆەسيا - 4 التىن، 1 كۇمىس، 2 قولا

7. قىتاي - 3 التىن، 3 كۇمىس

8. يتاليا - 2 التىن، 4 كۇمىس، 2 قولا

9. رەسەي - 2 التىن، 3 كۇمىس، 6 قولا

10. سلوۆەنيا - 2 التىن، 1 كۇمىس، 2 قولا

ايتا كەتەيىك، ءدال بۇگىنگە دەيىن وليمپيادا مەدالىنە قول جەتكىزگەن ەلدەر قاتارى 24 كە جەتتى. ونىڭ ىشىندە 19 مەملەكەتتىڭ قورجىنىندا التىن مەدال بولسا، 22 مەملەكەت كۇمىس جۇلدە الدى. ۆەنگريا سپورتشىلارى 2 قولا مەدال جەڭىپ السا، لاتۆيا مەن پولشا ءبىر-ءبىر «قولامەن» سوڭعى ورىنداردى ءوزارا ءبولىسىپ تۇر.

وكىنىشكە قاراي قازاقستان قورجىنى ازىرگە بوس.

اۆتور: كۇنسۇلتان وتارباي