قازاقستاندىقتار ادەمى نومىرلەرگە 6 ميلليارد تەڭگە جۇمساعان

نۇر- سۇلتان. قازاقپارات - 2021 -جىلى 20 مىڭنان استام قازاقستاندىق ادەمى نومىرلەرگە يە بولعان. وتكەن جىلى قازاقستاندىقتار جالپى سوماسى 5,8 ميلليارد تەڭگەگە جوعارى سۇرانىسقا يە نەمەسە VIP دەپ اتالاتىن نومىرلەردى ساتىپ العان.

اۆتوكولىك يەلەرى 2020 -جىلمەن سالىستىرعاندا ادەمى نومىرلەردى كوبىرەك راسىمدەي باستاعان، ول كەزدە 3,9 ميلليارد تەڭگەگە 12616 ءنومىر الىنعان بولاتىن. 2021 -جىلى VIP نومىرلەرگە ەڭ كوپ قاراجات جۇمساعان الماتىلىقتار - 2,2 ميلليارد تەڭگە سوماسىنا 6882 ءنومىر. ەكىنشى ورىندا شىمكەنت اۆتوكولىك يەلەرى - 818 ميلليون تەڭگە سوماسىنا 3190 ءنومىر، ال ۇشتىكتىڭ سوڭىندا نۇر- سۇلتان - 667 ميلليون تەڭگەگە 2231 ءنومىر.

VIP نومىرلەرگە سۇرانىس سولتۇستىك قازاقستان وبلىسىندا از. وتكەن جىلى وندا 45 ميلليون تەڭگەگە بارلىعى 169 ەرەكشە ءنومىر تىزبەگى ساتىپ الىنعان. ساندار مەن ارىپتەردىڭ كومبيناتسياسىنا بايلانىستى VIP- نومىرلەردىڭ باعاسى 174591 تەڭگەدەن باستالادى، ەڭ قىمباتى ءۇشىن 872955 تەڭگە سۇرالادى. ءنومىر يەسى ەرەكشە نومىرلەر تىزبەگىن ءۇشىنشى تاراپقا سىيعا بەرە دە، ساتا دا المايدى. ەگەر كولىك ساتىلسا، ءنومىر يەسى ونى جاڭا كولىك ساتىپ العانعا دەيىن مامانداندىرىلعان ح ق و- دا 6 اي ساقتاي الادى.

www.24.kz