تارازدا 6 قارۋلى قىلمىسكەر ءولتىرىلدى

تاراز. قازاقپارات - تاراز قالاسىندا التى قارۋلى قىلمىسكەر ءولتىرىلدى، دەپ حابارلايدى قازاقپارات.

جامبىل وبلىسى جەدەل شتابىنىڭ مالىمەتىنشە، 69 ارانداتۋشى ۇستالدى، ءبىرقاتار لاڭكەستىك اكتىنىڭ الدى الىنعان، 6 قارۋلى قىلمىسكەر ءولتىرىلدى.

قۇقىق قورعاۋ ورگاندارىنىڭ بەس قىزمەتكەرى جاراقات الدى، 100 دەن استام قىزمەتتىك كولىك ءبۇلىندى. وبلىس ورتالىعىندا 11 بلوك پوست قويىلدى. سوڭعى تاۋلىك ىشىندە قاسكۇنەمدەر بلوك پوستتارعا 4 رەت شابۋىل جاساعان.

قارۋلى توپتار مۇشەلەرىن انىقتاۋ جانە ۇستاۋ وپەراتسيالارى جالعاسۋدا. بۇعان پوليتسيا، ۇ ق ك، «وڭتۇستىك» ايماقتىق كوماندوۆانيەسىنىڭ 2 مىڭنان استام قىزمەتكەرى مەن اسكەريلەر، سونداي-اق 100 دەن استام تەحنيكا بىرلىگى جۇمىلدىرىلدى.