قىتايدىڭ سولتۇستىگىندە شاحتادان التىن ىزدەگەن 6 ادام قازا تاپتى

بۇل تۋرالى جەرگىلىكتى پوليتسيانىڭ مالىمدەمەسىنە سىلتەمە جاساعان قىتايلىق ب ا ق حابارلايدى، دەپ جازادى قازاقپارات.

وتكەن دۇيسەنبىدە شانشي پروۆينسياسى جيانسيان ۋەزىنىڭ بيلىگى التى التىن ىزدەۋشى ءىز- ءتۇسسىز جوعالعانىن جاريالادى. ىزدەۋ- قۇتقارۋ وپەراتسياسىنىڭ بارىسىندا جيانسيانداعى سەيۋي تاۋىنىڭ ماڭىنداعى ۇڭگىردەگى 2700 مەتر تەرەڭدىكتەن التى ادامنىڭ دەنەسى تابىلدى.

قازا بولعانداردىڭ بارلىعى شانشيگە كورشىلەس جاتقان حىنان پروۆينسياسىنىڭ (ورتالىق قىتاي) تۇرعىندارى. اتالعان ءىس بويىنشا تەرگەۋ امالدارى باستالىپ كەتتى.

ەسكە سالا كەتسەك، 2021 -جىل ماۋسىمىندا حىنان پروۆينسياسىنداعى سانمەنسيا ماڭىنداعى التىن وندىرەتىن شاحتادا ءتورت ادام قازا تاپقان. قىتايلىق ب ا ق- تىڭ جازۋىنشا، سوڭعى جىلدارى قىتايدا باعالى مەتالل باعاسىنىڭ وسۋىنە بايلانىستى جەرگىلىكتى تۇرعىندار قاراۋسىز قالعان شاحتالاردان التىن شىعارۋعا تارتىلىپ وتىر. حىنان پروۆينسياسىنا قاراستى سانمەنسياعا جاقىن داحۋ كەنتىنىڭ شاحتاسىنان ەكى اپتا بويى التىن شىعارۋ ءبىر ميلليون يۋان (شامامەن 187 مىڭ دوللار) كولەمىندە زاڭسىز تابىس اكەلە الادى.

اۆتور: رۋسلان سۇلەيمەنوۆ