قىتاي شەكاراسىندا 6 مىڭنان استام جۇك كولىگى تۇر

مۇنداي مالىمەتتى Viet Nam News ەلدىڭ كەدەن قىزمەتىنە سىلتەمە جاساپ تاراتتى، دەپ حابارلايدى «قازاقپارات» ح ا ا ءتىلشىسى.

باسىلىمنىڭ جازۋىنشا، بۇگىنگى كۇنى ۆەتنام- قىتاي شەكاراسىنداعى وتكىزۋ پۋنكتەرىندە كەزەكتە تۇرعان جۇك كولىكتەرىنىڭ سانى 6200 گە جۋىقتادى. شەكارادان وتكىزۋدەگى شەكتەۋلەر بيىلعى جىلدىڭ سوڭىندا قىتايدىڭ كوروناۆيرۋستىڭ الدىن الۋ جانە باقىلاۋ بويىنشا ەنگىزگەن ءىس- شارالارىمەن بايلانىستىرىلىپ وتىر.

Nikkei مالىمەتىنشە، قىتاي تاراپى وڭتۇستىك- شىعىس ازيا ەلدەرىمەن، سونىڭ ىشىندە ۆەتناممەن ترانسشەكارالىق ساۋدا اعىنىنا شەكتەۋ ەنگىزگەن. شەكتەۋلەر تاياۋ ايلاردا قىتايدا ءوتۋى جوسپارلانعان ءىرى شارالار - اي كۇنتىزبەسى بويىنشا جاڭا جىل جانە بەيجىڭدەگى قىسقى وليمپيادا ويىندارى الدىندا كوروناۆيرۋستىڭ تارالۋىنا توسقاۋىل قويۋعا باعىتتالعان.

اۆتورى: رۋسلان سۇلەيمەنوۆ