قىتايدىڭ وڭتۇستىك- باتىسىندا 6 بالدىق جەر سىلكىنىسى بولدى

بەيجىڭ. قازاقپارات - بەيسەنبى كۇنى تاڭەرتەڭ قىتايدىڭ وڭتۇستىك- باتىسىنداعى سىچۋان پروۆينتسياسىندا 6 بالدىق جەر سىلكىنىسى بولدى، دەپ حابارلايدى قازاقپاراتتىڭ مەنشىكتى ءتىلشىسى ق ح ر- دىڭ سەيسمولوگيا قىزمەتىنە سىلتەمە جاساپ.

جەراستى ءدۇمپۋى جەرگىلىكتى ۋاقىت بويىنشا ساعات 04:33-تە تىركەلگەن. سەيسمولوگتاردىڭ مالىمەتىنشە، جەر سىلكىنىسىنىڭ ەپيتسەنترى سىچۋان پروۆينتسياسىنىڭ لۋسيان ۋەزىندە (وڭتۇستىك- باتىس قىتاي) 10 ك م تەرەڭدىكتە ورنالاسقان. جەرگىلىكتى ب ا ق- تىڭ حابارلاۋىنشا، جەراستى ءدۇمپۋى قىتايدىڭ ءىرى مەگاپوليسى چۋنتسين قالاسىندا سەزىلگەن.

ىقتيمال ءبۇلىنۋ مەن زارداپ شەككەندەر تۋرالى مالىمەت تاراعان جوق. سىچۋان ۋەزىنە 1 ميلليوننان استام حالقى بار 20 عا جۋىق ەلدى مەكەن قارايدى. جەر سىلكىنىسى بولعان جەرگە اپاتتى- قۇتقارۋ قىزمەتى جىبەرىلدى.