جامبىل وبلىسىنداعى اسكەري بولىمدە 6 جارىلىس ورىن الدى
«بۇگىن جامبىل وبلىسىنداعى اكەري ءبولىم قويمالارىنىڭ بىرىندە ساعات شامامەن 19:00-دە ءورت شىقتى. ءورتتى ءسوندىرۋ جۇمىستارى جالعاسۋدا. اسكەري ءبولىمنىڭ ءورت ءسوندىرۋ كومانداسى مەن ءورتتى سوندىرۋگە ارنالعان شىنجىرلى ارناۋلى تەحنيكاسى، سونىمەن قاتار جامبىل وبلىستىق تجد ءورت ءسوندىرۋ توپتارى جۇمىلدىرىلعان. قويمادا نەگىزىنەن ينجەنەرلىك وق- ءدارى ساقتالعان جانە ولار الىس قاشىقتىققا ۇشپايدى. جالپى 6 جارىلىس ورىن الدى»، - دەپ حابارلادى مينيسترلىكتەن.
ۆەدومستۆو مالىمەتىنشە، تۇرعىنداردىڭ قاۋىپسىزدىگى ءۇشىن اسكەري بولىمگە جاقىن ۇيلەردىڭ ادامدارى قاۋىپسىز جەرگە كوشىرىلگەن. قازىرگى ۋاقىتتا مەديتسينالىق كومەككە جۇگىنگەن 32 زارداپ شەگۋشى تۋرالى اقپارات بار. ونىڭ 10 ى اسكەري قىزمەتشى.
وقيعا ورنىنا قورعانىس جانە توتەنشە جاعدايلار مينيسترلەرى، قورعانىس ءمينيسترىنىڭ ورىنباسارى، قورعانىس ۆەدومستۆوسىنىڭ كوميسسياسى مىنگەن اسكەري اۋە كۇشتەرىنىڭ اسكەري- تەحنيكالىق اۆياتسيا بورتى ۇشىپ كەتتى.