قازاقپارات كۇنتىزبەسى: 6- ماۋسىم

اتاۋلى كۇندەر

دۇنيەجۇزىلىك زيانكەستەرگە قارسى كۇرەس كۇنى

دۇنيەجۇزىلىك زيانكەستەرگە قارسى كۇرەس كۇنىن ەنگىزۋ باستاماسىن قىتايدىڭ زيانكەستەرمەن كۇرەس قاۋىمداستىعى 2017-جىلى كوتەردى. ونىڭ باستاماسىن باسقا ۇلتتىق جانە وڭىرلىك ۇيىمدار دا قولدادى.

نەگىزگى مىندەتى - جۇرتشىلىقتىڭ نازارىن زيانكەستەرگە قارسى كۇرەستىڭ قوعامدىق دەنساۋلىقتى ساقتاۋداعى ماڭىزىنا اۋدارۋ.

ورىس ءتىلى كۇنى

بۇل مەرەكە حالىقارالىق كۇنتىزبەدە 2010-جىلى ب ۇ ۇ قوعاممەن بايلانىس دەپارتامەنتىنىڭ ۇيىمنىڭ رەسمي التى تىلىنە ارنالعان كۇندى تويلاۋ ۇسىنىسىنان كەيىن پايدا بولدى.

6- ماۋسىمدى تاڭداۋ سەبەبى - وسى كۇنى ورىستىڭ ۇلى اقىنى الەكساندر سەرگەيەۆيچ پۋشكين دۇنيەگە كەلگەن.

ەستە قالاروقيعالار

1845 -جىلى اتباسار قالاسىنىڭ نەگىزى قالاندى. استانادان سولتۇستىك- باتىسقا قاراي 232 شاقىرىم جەردە، جاباي وزەنىنىڭ (ەسىلدىڭ ءبىر سالاسى) وڭ جاعالاۋىندا ورنالاسقان. قازان توڭكەرىسىنە دەيىن مۇندا اتباسار جارمەڭكەسى وتكىزىلىپ تۇردى.

1928 -جىلى اۋدان ورتالىعىنا اينالدى. اقمولا- قارتالى تاس جولىنىڭ سالىنۋى (1940) قالانىڭ ودان ءارى دامۋىنا قولايلى جاعداي جاسادى.

1987 -جىلى الماتى وبلىسىنىڭ بۇرىنعى كەگەن اۋدانىندا وراز جاندوسوۆ تۇرعان جانە قىزمەت ىستەگەن ۇيدە ەسكەرتكىش تاقتا ورناتىلدى.

1945 -جىلى قاراعاندى قالاسىندا الەمدەگى العاشقى كومىر كومباينى سىناقتان ءوتتى. كومىر كومباينىنىڭ العاشقى ونەركاسىپتىك ۇلگىسىن 1932-جىلى كەڭەستىك ونەرتاپقىش الەكسەي يۆانوۆيچ باحتۋمسكي قۇرعان.

1987 -جىلى وراز جاندوسوۆ تۇرىپ، ەڭبەك ەتكەن كەگەن اۋىلىندا مەموريالدىق تاقتا ورناتىلدى.

وراز قيقىم ۇلى جاندوسوۆ (1899-1938) - قازاقستاننىڭ تانىمال مەملەكەتتىك قوعام قايراتكەرى، پۋبليتسيست.

1991 -جىلى قازاقستاننىڭ جوعارى بىلىكتى حالىق شارۋاشىلىعى ماماندارىن ۋنيۆەرسيتەتتىك دەڭگەيدە دايارلاۋدى كەڭەيتۋ ماقساتىندا ءارى ورتا ازيانىڭ ەجەلگى عىلىمي-مادەني وشاعى بولعان تۇركىستان قالاسىن دامىتۋعا سەرپىن بەرۋ ءۇشىن تۇركىستان مەملەكەتتىك ۋنيۆەرسيتەتى اشىلىپ، وعان ۇلى اقىن ءارى اعارتۋشى قوجا احمەت ءياساۋيدىڭ ەسىمى بەرىلدى.

2012 -جىلى قازاقستاندىق زەرتتەۋشىلەر توبى «شەتەلدەگى قازاقتاردىڭ ونەرى» جوباسى اياسىندا وزبەكستاندا ەكسپەديتسيا وتكىزدى. جوبا ءۇش جىلعا جوسپارلانعان. ونىڭ شەڭبەرىندە وزبەكستان، قىتاي، موڭعوليا، تۇركىمەنستان جانە رەسەيدەگى قازاقتاردىڭ مەكەندەيتىن جەرلەرىنە ەكسپەديتسيا جاساۋ قاراستىرىلعان.

2012 -جىلى حالىقارالىق بانكنوت قوعامداستىعى (IBNS) بايقاۋىنىڭ قورىتىندىسى بويىنشا «10000 تەڭگە» بانكنوتى 2011-جىلدىڭ ۇزدىك بانكنوتى اتاندى.

2016 -جىلى ۆەنا قالاسىندا وتكەن بالليستيكالىق زىمىرانداردىڭ تاراتىلۋىنا قارسى حالىقارالىق ءتارتىپ كودەكسىنە مۇشە مەملەكەتتەردىڭ تۇراقتى 15- كەزدەسۋىندە (گااگا ءتارتىپ كودەكسى گ ت ك اتاۋىمەن بەلگىلى) گ ت ك ءتوراعالىعى ءبىر جىل مەرزىمگە قازاقستانعا اۋىستى.

2016 -جىلى مونتە-كارلودا ۆەلوسيپەد وندىرۋشىلەردىڭ الەمدەگى ەڭ بەدەلدى كورمەلەرىنىڭ ءبىرى LIKE BIKE 2016 كورمەسى بولدى. وندا قازاقستان VINO برەندىن ۇسىندى. ونى برەندتىڭ نەگىزىن قالاۋشى، وليمپيادا چەمپيونى الەكساندر ۆينوكۋروۆتىڭ ءوزى تانىستىردى.

2016 -جىلى امەريكانىڭ مەريلەند شتاتىندا قازاق ءتىلىنىڭ سەنبىلىك كۋرسى اشىلدى. بۇل قازاق- امەريكالىق قاۋىمداستىعى مەن ا ق ش- تا تۇرىپ جاتقان قازاق دياسپوراسىنىڭ قولداۋىنىڭ ارقاسىندا جۇزەگە استى.

2017 -جىلى استاناداعى بەيبىتشىلىك جانە كەلىسىم سارايىندا قازاقستان مەن قىتاي ەلدەرى اراسىنداعى ديپلوماتيالىق قارىم- قاتىناستىڭ ورناعانىنا 25 جىل تولۋىنا وراي، «كورىكتى قازاقستان - كوركەم قىتاي» فوتوكورمەسى اشىلدى. فوتوكورمەنىڭ اتقارۋشى ورگانى - «قازاقپارات» ح ا ا جانە «جەنمين حۋاباو» جۋرنالى.

2017 -جىلى قازاقستاندىق 16 جاستاعى مەكتەپ وقۋشىسى داۆيل كنىشەنكو شۇعىل جاعداي كەزىندە قولداناتىن «Fast Helper» قوسىمشاسىن ويلاپ تاپتى. ونىڭ كومەگىمەن ءورت ءسوندىرۋ قىزمەتى، جەدەل جاردەم نەمەسە قۇتقارۋ قىزمەتىن شاقىرۋعا بولادى. بۇل تۋىندىنىڭ ماڭىزدى بولىگى - شاقىرىلعان قىزمەت كەلگەنشە نە ىستەۋ كەرەك ەكەنىن حابارلايتىن انىقتامالىقتىڭ بولۋىندا.

ونىڭ جوباسى «اشىق ۇكىمەت» پورتالىنىڭ اشىق مالىمەتتەرىن پايدالانۋ بايقاۋىندا ۇزدىك تانىلعان.

2017 -جىلى 16 جاستاعى قازاقستاندىق وقۋشى داۆيد كنىشەنكو «Fast Helper» شۇعىل جاعدايلارعا ارنالعان موبيلدى قوسىمشاسىن جاسادى. ونىڭ كومەگىمەن ءورت ءسوندىرۋ قىزمەتىن، جەدەل جاردەم جانە قۇتقارۋ قىزمەتتەرىن شاقىرۋعا بولادى.

بۇل قوسىمشانىڭ ماڭىزدى كومپونەنتى - انىقتامالىق اقپارات ءبولىمى. ول شاقىرىلعان قىزمەتتىڭ كەلۋىن كۇتپەي-اق، نە ىستەۋ كەرەگىن ايتىپ بەرەدى. وقۋشىنىڭ جوباسى «اشىق ۇكىمەت» پورتالىنىڭ اشىق دەرەكتەرىن قولدانۋ بويىنشا بايقاۋدا ۇزدىك دەپ تانىلدى.

2019 -جىلى «قازاحستانەتس» كىتابى جارىققا شىققان. ونىڭ اۆتورى - ساياحاتشى، تۇركى رۋحاني مادەنيەتىنىڭ زەرتتەۋشىسى، جازۋشى، رەسپۋبليكالىق ادەبي سىيلىقتاردىڭ لاۋرەاتى تينكاي كرەتوۆا. كىتاپتا قازاقستان ادامدارى، ونىڭ تاريحى، كيەلى ورىندارى تۋرالى جازىلعان. اۆتوردىڭ «كيەلى قازاقستان» قازاقستاندىق ۇلتتىق گەوگرافيالىق قوعامىنىڭ زەرتتەۋ ەكسپەديتسياسى كەزىندە قالدىرعان وچەركتەرى بۇل كىتاپتىڭ اجىراماس بولىگى بولىپ تابىلادى.

2019 -جىلى سەرىك ساپيەۆ 2019-2020-جىلدار بويىنشا تاۋەلسىز مەملەكەتتەر دوستاستىعى ەلدەرى وكىلدەرىنىڭ سپورت جانە دەنە شىنىقتىرۋ كەڭەسىنىڭ ءتوراعاسى بولىپ سايلاندى. بۇل شەشىم شۋچينسك قالاسىندا ت م د- عا مۇشە مەملەكەتتەر دەنە شىنىقتىرۋ جانە سپورت سالاسىنداعى كەلىسىم قاتىسۋشىلارىنىڭ دەنە شىنىقتىرۋ جانە سپورت جونىندەگى كەڭەسىنىڭ وتىرىسىندا قابىلداندى.

كەڭەس وتىرىسىنا ت م د مەملەكەتتەرى (قازاقستان، ازەربايجان، ارمەنيا، بەلارۋس، قىرعىزستان، رەسەي، تاجىكستان، تۇرىكمەنستان، وزبەكستان) سپورت جانە دەنە شىنىقتىرۋ سالاسىنداعى قۇزىرەتتى ورگاندارىنىڭ باسشىلارى، سونىمەن قاتار تمد اتقارۋشى كوميتەتى، مادەنيەت جانە سپورت مينيسترلىگىنە قاراستى ۆەدومستۆولىق باعىنىستاعى ۇيىمدار مەن وبلىستىق دەنە شىنىقتىرۋ جانە سپورت باسقارمالارىنىڭ وكىلدەرى قاتىسقان.