6-قازاندا ەلوردادا وتەتىن ماڭىزدى شارالارعا شولۋ

09.00 دە ۇكىمەت ۇيىندە ۇكىمەت وتىرىسى وتەدى. كۇن تارتىبىندە ىشكى نارىقتى وتاندىق ازىق- تۇلىكپەن مولايتۋ جانە فارماتسيەۆتيكالىق ونەركاسىپتى دامىتۋ ماسەلەلەرى قارالادى. ۇكىمەت وتىرىسى PrimeMinister.kz سايتىندا جانە ۆەدومستۆونىڭ الەۋمەتتىك جەلىلەردەگى رەسمي اككاۋنتتارىندا ونلاين رەجيمدە كورسەتىلەدى.

11.00 دە «Avenu» بيزنەس ورتالىعىندا يراك ەلەكەيەۆتىڭ توراعالىعىمەن جانە بارلىق مۇددەلى مەملەكەتتىك ورگانداردىڭ قاتىسۋىمەن نۇر- سۇلتان قالاسى كاسىپكەرلەر پالاتاسى كاسىپكەرلەر قۇقىعىن قورعاۋ جانە سىبايلاس جەمقورلىققا قارسى ءىس- قيمىل جونىندەگى كەڭەستىڭ كەزەكتى وتىرىسى وتەدى.

11.00 دە قازاقستان كوممۋنيستىك حالىق پارتياسىنىڭ عيماراتىندا «جاس اقىل- ويدىڭ شەتەلگە كەتۋى. ونىڭ سەبەپتەرى جانە قارسى تۇرۋ جولدارى» تاقىرىبىندا دوڭگەلەك ۇستەل وتەدى. وعان «حالىق كوممۋنيستەرى» فراكتسياسى دەپۋتاتتارى Zoom ارقىلى قاتىسادى.

16.00 دە ق ر ۇلتتىق مۋزەيىندە نۇر- سۇلتان جانە الماتى قالالارىنىڭ مەكتەپكە دەيىنگى ۇيىمدارىنىڭ قاتىسۋىمەن «بالاباقشا - بولاشاققا باستار جول» اتتى فوتوكورمە وتەدى.

16.20 دا ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە ق ر اۋىل شارۋاشىلىعى ءمينيسترى ساپارحان وماروۆ جولداۋدا جۇكتەلگەن تاپسىرمالاردىڭ جۇزەگە اسۋ بارىسى تۋرالى باسپا ءسوز ءماسليحاتىن وتكىزەدى.