قىزمەتكەرلەرى پارامەن ۇستالعان 6 اكىم جۇمىسىنان كەتتى
«تىكەلەي باعىنىشتىلاردىڭ جەمقورلىعى ءۇشىن باسشىلاردىڭ جاۋاپكەرشىلىگى ينستيتۋتى نورماتيۆتىك تۇرعىدا رەتتەلدى. ول بيىلعى جىلدىڭ 9 ايىندا وزىندە ءتيىمدى قۇرال ەكەنىن دالەلدەدى. ساياسي باسشىلاردىڭ وتستاۆكاعا كەتۋىنە قاتىستى قاراستىرىلىپ وتىرعان كەزەڭدە اۋداندىق جانە وبلىستىق دەڭگەيدەگى 9 اكىم وتستاۆكاعا كەتۋ تۋرالى ءوتىنىش بەردى، 6 اكىم جۇمىستان شىعارىلدى»، - دەدى ول ونلاين بريفينگ بارىسىندا.
ماسەلەن ساتبايەۆ قالاسىنىڭ اكىمى ىدىرىسوۆتىڭ جانە الماتى وبلىسى پانفيلوۆ اۋدانى اكىمى ومىراليەۆتىڭ وتستاۆكالارى قابىلدانباعان. وبلىس اكىمدەرى ولارعا «سوگىس» جاريالاپتى. قاراماعىنداعى قىزمەتكەرلەرى جەمقورلىق قىلمىستى وزگەرىستى ەنگىزۋگە دەيىن (2019 -جىلعى 10 -جەلتوقسان) جاساعاندىقتان، ساتبايەۆ قالاسىنىڭ اكىمى وتستاۆكاعا ءوتىنىش بەرمەۋىنە دە بولار ەدى. «28-قىركۇيەكتە قوستاناي وبلىسى رۋدنىي قالاسىنىڭ اكىمى عايازوۆ وتستاۆكاعا كەتتى. ول بۇل قىزمەتتى 2011 -جىلدان بەرى اتقارىپ كەلەدى. بۇعان دەيىن حابارلانعانداي (13-قىركۇيەك) وعان تىكەلەي باعىنىشتى رۋدنىي قالاسى قاشار كەنتىنىڭ اكىمى الدونعاروۆقا قاتىستى ۇكىم زاڭدى كۇشىنە ەنگەن بولاتىن. سول سەكىلدى اتىراۋ وبلىسى قۇرمانعازى اۋدانىنىڭ اكىمى نۇرتايەۆتىڭ وتستاۆكاعا كەتۋ تۋرالى ءوتىنىشى قارالۋدا. ونىڭ ورىنباسارى تاجىبايەۆ سوتتالدى. 8-قىركۇيەكتە ونىڭ ورىنباسارى تاجىبايەۆقا قاتىستى ۇكىم زاڭدى كۇشىنە ەندى. 5 ءىس ءالى مونيتورينگتە»، - دەدى دانيار بەكايداروۆ.
اۆتور: ايان بەكەن ۇلى
