12:50, 14 - ماۋسىم 2020 | GMT +5
اتىراۋدا 6 جاسار قىز دارەتحانا شۇڭقىرىنا قۇلاپ قايتىس بولعان
اتىراۋ. قازاقپارات - اتىراۋ قالاسىندا 6 جاسار قىز جەكە ءۇيدىڭ دارەتحانا شۇڭقىرىنا قۇلاپ قايتىس بولعان، دەپ حابارلايدى قازاقپارات.
توتەنشە جاعدايلار دەپارتامەنتى باسپا ءسوز قىزمەتىنىڭ حابارلاۋىنشا، وقىس وقيعا بۇگىن، 13 - ماۋسىمدا قالاداعى «قارا دەپو» شاعىن اۋدانىندا بولعان. جەرگىلىكتى ۋاقىتپەن ساعات 19:50 شاماسىندا 6 جاسار قىز ۇيىنەن ويناۋعا شىعىپ كەتكەن. الايدا، ونى تۋىستارى تابا الماي قالعان.
«ىزدەستىرۋ بارىسىندا 6 جاسار قىزدىڭ جەكە ءۇيدىڭ اۋلاسىنداعى دارەتحانانىڭ شۇڭقىرىنا ءتۇسىپ كەتكەنى انىقتالدى. شۇڭقىردىڭ تەرەڭدىگى - 2 مەتر. بالانىڭ ءولى دەنەسى دارەتحانا شۇڭقىرىنان كەشكى ساعات 21:50-دە شىعارىلدى»، دەپ حابارلادى دەپارتامەنتتىڭ باسپا ءسوز قىزمەتى.
اۆتور: بەك مۇستافا
