وزبەكستاندا كوروناۆيرۋس جۇقتىرعان 6 ادام اۋىر حالدە جاتىر

تاشكەنت. قازاقپارات - دەنساۋلىق ساقتاۋ مينيسترلىگىنىڭ مالىمەتىنشە، وزبەكستاندا تاۋلىك بويى 84 ادام كوروناۆيرۋس جۇقتىرعان.

قازىردە ناۋقاستاردىڭ جالپى سانى 2939 كىسىگە جەتتى، دەپ جازادى ءو ز ا.

بۇگىنگى جاڭادان ۆيرۋس جۇقتىرعان ناۋقاستاردىڭ 44 ءى شەتەلدەن كەلگەن ازاماتتار، 40 ى كارانتيندە بولعان ازاماتتار. سونداي-اق بۇگىن 34 ازامات ىندەتتەن ساۋىعىپ اۋرۋحانادان شىققان.

ولاردىڭ قاتارى 2372 كىسىگە جەتىپ، 13 كىسى قازا بولعان. قازىردە رەسپۋبليكالىق اۋرۋحانالاردا 554 ناۋقاس دارىگەرلەر باقىلاۋىندا قالعان. ونداعى 6 اۋرۋ جاننىڭ جاعدايى اۋىر.

ەسكە سالار كەتسەك، وزبەكستاندا العاشقى كوروناۆيرۋس ىندەتى 15- ناۋرىزدا تىركەلگەن ەدى. ناۋقاس 11- ناۋرىزدا پاريجدەن ورالعان تاشكەنتتىك دارىگەر بولاتىن.