وزبەكستاندا كوروناۆيرۋسپەن اۋىرعاندار سانى 6 ادامعا جەتتى
تاشكەنت. ءو ز ا - قازاقپارات - وزبەكستاندا تاعى 2 ادامنان كوروناۆيرۋس تابىلدى، دەپ حابارلايدى قازاقپارات ءتىلشىسى ءو ز ا اگەنتتىگىنە سىلتەمە جاساپ.
15- ناۋرىز كۇنى وزبەكستاننىڭ ۆيرۋسولوگيا عىلىمي زەرتتەۋ ينستيتۋتىندا 11- ناۋرىز كۇنى فرانسيادان كەلگەن وزبەكستان ازاماتىنان COVID-19 كوروناۆيرۋسى تابىلعان بولاتىن.
كەشە ەلدىڭ دەنساۋلىق ساقتاۋ مينيسترلىگى ناۋقاستىڭ ۇلى مەن قىزىنا دا ۆيرۋس جۇققانىن راستاعان.
بۇگىن وزبەكستاننىڭ دسم فرانسيادان كەلگەن ناۋقاستىڭ ايەلى مەن نەمەرەسىنەن دە كوروناۆيرۋس ينفەكتسياسى تابىلعانىن ءمالىم ەتتى.
سونداي-اق 15- ناۋرىز كۇنى تاشكەنت ۋاقىتىمەن 05:15 تە «Uzbekistan airways» اۋە كومپانياسىنىڭ ىستانبۇل-تاشكەنت باعىتىنداعى 274-رەيسىمەن كەلگەن وزبەكستان ازاماتىنان دا كوروناۆيرۋس ينفەكتسياسى تابىلعان.
سوڭعى دەرەك بويىنشا، وزبەكستاندا ناۋقاستار سانى التىعا جەتىپ وتىر.
