ما يۇننىڭ ستۋدەنتتەرگە بەرگەن 6 كەڭەسى
ول ستۋدەنتتەرگە ءوزىنىڭ كومپانياسىن قالاي قۇرعانىن، اقشانىڭ قۇنى، تەحنولوگيا مەن تىلدەردى مەڭگەرۋدىڭ ماڭىزىن ايتىپ بەردى. نازارىڭىزعا دجەك ما ءدارىسىنىڭ ىقشام نۇسقاسىن ۇسىنامىز.
1. مەن كوپ قاتەلەستىم، ءبىراق مويىماپپىن مەن جاس كەزىمدە كوپ قاتەلەستىم. بارلىعى قاتەلەسەدى، بارىندە پروبلەما كوپ، ءبىراق وندا ەشكىمنىڭ شارۋاسى جوق. ال ءبىز جەتىستىككە جەتىپ جاتساق، بارلىعى ءبىزدىڭ ومىرگە، اسىرەسە قاتەلەرىمىزگە قىزىعا باستايدى. مەن قاتەلەسكەن ادامداردىڭ جانە ءوز قاتەمدى قايتالاماۋدى ۇيرەندىم. Alibaba كومپانياسى دا كوپ قاتە جىبەردى، ءبىراق ءبارىبىر امان قالدىق. مەن تۇسىنگەن ەڭ باستى نارسە - ەشقاشان شاعىمدانباۋ. بەيباقتار ءاردايىم بىرەۋدى كىنالاپ الەك بولادى. ال جەتىستىككە جەتەتىن ادام «بالكىم، بۇل مەن بىردەڭەنى دۇرىس ىستەمەدىم، بۇل مەنىڭ قاتەم» دەيدى. بىزگە باسقا بىرەۋ نەگە كومەكتەسۋى ءتيىس؟ بىرەۋدىڭ كومەگىنىڭ دە قازىر اقىسى بار.
2. جەتىستىككە بىردەن جەتۋ قيىن كوپ ادام ماعان قاراپ، « ءسىز ۇلى ادامسىز» دەپ جاتادى. ءبىراق شىنىندا مەن سونشا ۇلى ەمەسپىن. مەن قاراپايىم وتباسىدا دۇنيەگە كەلدىم، ناشار وقىدىم، ءبىراز ۋاقىت ۋنيۆەرسيتەتكە تۇسە الماي، كەيىن جۇمىس تابا الماي ءجۇردىم. ءبىراق مەن ەشقاشان بەرىلمەدىم، سىزدەرگە دە بەرەر كەڭەسىم سول. ءبىراق ەستە بولسىن، جەتىستىك بىردەن كەلە قويمايدى. ءومىرىڭىزدى جوسپارلاپ جاتساڭىز، ون جىل العا ويلاڭىز. جوعارى وقۋ ورنىنان كەيىن سىزدەر كاسىبي مانساپتارىڭىزدى ەندى باستايسىزدار، قولدارىڭىزدا ديپلوم. ءبىراق ول تەك قاعاز عانا. شىن ەمتيحان - ءومىردىڭ ەمتيحانى.
3. تەحنولوگيادان قورىقپاڭىزدار ادامدا قيال مەن وزىنە دەگەن سەنىم بولماسا، بولاشاقتان قورقا باستايدى. بولاشاقتان تابىستى ادامدار دا قورقادى. ءبىراق بىزدە جوعالتاتىن ەشتەڭە جوق قوي؟ مەن بۇل ءسوزدى وزىمە 18 جاسىمدا ايتقان ەدىم. ول كەزدە بىزدە اقشا بولمادى، سوندىقتان ونى جوعالتامىز دەپ قورىقپادىق. بىزدە ايىرىلىپ قالامىز دەپ قورقاتىن تەحنولوگيا دا بولمادى. ءبىز بولاشاقتا ەلەكتروندى ساۋدا مەن ينتەرنەت مىقتى قۇرالعا اينالاتىنىنا سەنىپ، 10-20 -جىلدان كەيىن بۇل سالانىڭ مامانى اتاناتىنىمىزدى ءبىلىپ، سونىمەن اينالىسا باستادىق. بولاشاقتان قورىقپاڭىزدار. وزگەلەر قورقۋى مۇمكىن، ءبىراق تەحنولوگيالىق ريەۆوليۋتسيانى ەشتەڭە دە توقتاتا المايتىنىن ءتۇسىنۋىمىز كەرەك. ءسىز الاڭداپ ءجۇردىڭىز - ريەۆوليۋتسيا بولدى، ءسىز الاڭسىز ءجۇردىڭىز - ريەۆوليۋتسيا بولدى. سونشا الاڭداۋدىڭ ءمانى قانشا؟
4. بۇگىن سىزگە قيىن بولادى، ەرتەڭ ودان دا قيىن بولادى، ال بۇرسىگۇنى بارلىعى جاقسى بولادى. ءبىراق كوبى ەرتەڭ كەشكىسىن بەرىلە سالادى سوندىقتان دا تىنىمسىز ەڭبەك ەتۋ كەرەك. ءار كۇنىڭىز قيىن بولۋى مۇمكىن، ءبىراق ءاربىر قيىندىق ءسىزدى شىڭداي تۇسەدى. وڭاي ەشتەڭە بولمايدى. 18 جىلدا Alibaba كوپ جەتىستىككە جەتتى، ءبىز وزگەلەردەن كوبىرەك جۇمىس ىستەدىك. كۇن- تۇندەپ ۇيىقتامادىق، بىلتىر مەن 867 ساعاتىمدى ۇشاقتا وتكىزىپپىن. سوندىقتان ءبىز وزگەلەر 70 جىلدا ىستەيتىن نارسەنى 18 جىلدا ىستەدىك. ءوز جولدارىڭىزدى تاڭداڭىزدار. پرەزيدەنتتەر نە ويلايتىنىنا باس قاتىرماڭىزدار. تەك سىزگە قاتىسى بار نارسەنى ويلاڭىز. پۋتين الەم تاعدىرىن قالاي شەشەمىن دەپ ويلاسا ويلاي بەرسىن، ال ءسىز ۋنيۆەرسيتەتتەن كەيىن قالاي اقشا تابامىن دەپ ويلانىڭىز.
5. ەڭ باستىسى اقشا ەمەس ەگەر بىرەۋ «مەندە اقشا بولسا، انانى ىستەر ەدىم، مىنانى ىستەر ەدىم» دەسە، «مىناداي ويمەن سىزدە ەشقاشان اقشا بولمايدى» دەيمىن. بارلىق نارسە اقشاعا كەلىپ تىرەلمەيدى. ەگەر ءسىز شىن مانىندە ءوز ىسىڭىزبەن اينالىسىپ، ومىردە ءبىر جەتىستىككە جەتكىڭىز كەلسە، اقشا وزىمەن- ءوزى كەلەدى. Alibaba كومپانياسىنىڭ باسىندا اقشاسى بولمادى، بىزگە ەشكىم تولەمەدى. ءبىزدىڭ ەڭ العاشقى تابىسىمىز العىس حاتتار بولاتىن. ولار: «سىزدەردىڭ ماعان وسىلاي كومەكتەرىڭىز ءتيىپ جاتقانىنا ءدان ريزامىن، ءبىراق مەنىڭ سىزدەرگە تولەيتىن اقشام جوق» دەپ جازاتىن. ءبىز: «ەشتەڭە ەتپەيدى!» دەپ جاۋاپ بەرەتىنبىز. سەبەبى ءبىز ءوز كليەنتتەرىمىز كەيىن بىزگە اقشا تولەي الاتىن دەڭگەيگە جەتۋى ءۇشىن ولارعا كومەكتەسىپ جۇردىك.
6. ءتىلدى ونى جاي مەڭگەرۋ ءۇشىن ءبىلۋ جەتكىلىكسىز ءتىل ءبىلۋ وتە ماڭىزدى. ماسەلەن ءسىز اعىلشىنشا بىلمەسەڭىز، حالىقارالىق بيزنەسپەن اينالىسا المايسىز. ءبىراق ءتىلدى جاي سويلەسۋ ءۇشىن ءبىلۋ جەتكىلىكسىز. بولاشاقتا جاساندى ينتەللەكت ارقاسىندا ءتىلدى مەڭگەرۋ قاجەتتىگى جوعالادى. ءبىز قۇلاعىمىزعا قۇلاقتىق تاقساق بولعانى، ءبارىن ءسىز ءۇشىن اۋدارىپ بەرەدى. ءبىزدى وزگە ءتىلدى مەڭگەرە باستاعاندا سول تىلدە سويلەيتىندەردى، ولاردىڭ مادەنيەتىن قۇرمەتتەي باستايمىز. ەگەر سىزگە وزگە ەلدىڭ مادەنيەتى ۇناماسا، ءسىز ەشقاشان دوس تاپپايسىز. ال ەگەر دوسىڭىز بولماسا، بيزنەسپەن قالاي اينالىسپاقسىز؟ وزگە تىلدەر ماعان قاتتى كومەكتەستى. ءبىراق ودان ماڭىزدىسى - مەن وزگە مادەنيەتتەرگە قۇرمەتپەن قاراي باستادىم.
Massaget.kz
