09:32, 07 - اقپان 2019 | GMT +6
ىستانبۇلدا بەلگىسىز سەبەپپەن 6 قاباتتى ءۇي قۇلادى
ىستانبۇل. قازاقپارات - ىستانبۇلدا قۇلاعان ۇيدەن 1 ادامنىڭ مەرت بولعانى انىقتالدى، دەپ حابارلايدى تاسس NTV تەلەارناسىنا سىلتەمە جاساپ.
قۇلاعان ءۇي 6 قاباتتى بولعان.
تەلەارنا تاراتقان مالىمەتتەر بويىنشا، وسى كەزدە 4 ادامدى قۇتقارۋ جۇمىستارى ءجۇرىپ جاتىر. تەلەارنا سونىمەن قاتار جەرگىلىكتى بيلىك وكىلدەرىنە سىلتەمە جاساي وتىرىپ 20-دان استام ادامنىڭ قۇلاعان ۇيىندىلەر استىندا بولۋى مۇمكىندىگىن حابارلادى.
«ءۇيدىڭ تومەنگى قاباتىندا 20-25 ادام جۇمىس ىستەيتىن شەبەرحانا بولعان. جارىلىس بولعان جوق، ءۇي وزىنەن-ءوزى قۇلاي باستادى»، - دەپ كەلتىرەدى NTV اۋدان بەلسەندىسىنىڭ ءسوزىن.
كارتال اۋدانىندا 12 پاتەرى بار ءۇيدىڭ نەدەن قۇلاعانى وسى ۋاقىتقا دەيىن بەلگىسىز.
تەلەارنا تىلشىلەرىنىڭ حابارلاۋىنشا، كۋاگەرلەردىڭ كەيبىرى ءۇي قۇلار الدىندا جارىلىسقا ۇقسايتىن دىبىستى ەستىگەندەرىن ايتقان.