بويجەتكەن كوپىرگە جازىپ قويعان جازباسى ارقىلى 6 ادامنىڭ ءومىرىن قۇتقارىپ قالدى

 استانا. قازاقپارات - ۇلى بريتانيادا 18 جاستاعى پەيدج حانتەر ادامدار ءجيى سۋيتسيد جاسايتىن كوپىرگە ءتۇرلى جازبالار جازىپ قويىپ، ناتيجەسىندە كەمىندە 6 ادامنىڭ ءومىرىن قۇتقارىپ قالدى.

بۇل تۋرالى Chronicle Live باسىلىمىنا سىلتەمە جاساپ Stan.kz حابارلايدى.

پەيدج وزىنە قول جۇمساعىسى كەلگەن ادامداردى تۇسىنۋگە تىرىسقان. بويجەتكەن ولاردىڭ مۇنداي ارەكەتكە بارۋىنىڭ سەبەبى جالعىزدىق دەپ ءتۇسىندىردى. سوندىقتان ءجيى سۋيتسيد جاسالاتىن كوپىرگە ادامعا ءۇمىت سىيلايتىن جازبالار جازىپ قويىپتى.

«ءتىپتى ومىرىڭىزدە ءبارى قيىن بولسا دا، ءسىزدىڭ ءومىرىڭىز قۇندى»، «ءسىز - مىنا قاراڭعى الەمدەگى جاپ-جارىق نۇرسىز. سوندىقتان بەكەم بولىڭىز»، «ءسىز جالعىز ەمەسسىز»، - دەپ جازعان بويجەتكەن.

ساندەرلاند قالاسىنىڭ پوليتسياسى پەيدجگە ومىردەن تۇڭىلگەن ادامدارمەن جۇمىس جاساي العانى ءۇشىن العىس ءبىلدىرىپ، ماراپاتتادى.

ال بويجەتكەننىڭ ءوزى كوپشىلىكتى سۋيتسيد جاساعىسى كەلگەن ادامداردى ەلەمەي ءوتىپ كەتپەي، ولارمەن سويلەسىپ، تىڭداي بىلۋگە شاقىردى.