قازاقستاننىڭ 6 وبلىسىندا بۇرقاسىن بولادى

استانا. قازاقپارات - 11 -قاڭتاردا قازاقستاننىڭ التى وبلىسى اۋماعىندا بۇرقاسىن كۇتىلەدى، دەپ حابارلايدى ت ج ك كازگيدرومەتتىڭ مالىمەتىنە سىلتەمە جاساپ.

11 -قاڭتاردا تۇندە جانە تاڭەرتەڭ جامبىل وبلىسىنىڭ كەي جەرلەرىندە جاۋىن- شاشىن (كوبىنەسە قار)، بۇرقاسىن، كوكتايعاق بولادى. وڭتۇستىك- باتىستان، باتىستان سوققان جەلدىڭ كۇشى كەي جەرلەردە 15-20، ەكپىنى 23-28 م/س، كەي ۋاقىتتاردا 30 م/س جەتەدى.

تارازدا: تۇندە جانە تاڭەرتەڭ 11 -قاڭتاردا وڭتۇستىك- باتىس، باتىستان جەل سوعادى، كۇشى 15-20, ەكپىنى 23-28, كەي ۋاقىتتاردا 30 م/س جانە ودان دا اسۋى ىقتيمال.

11 -قاڭتاردا سولتۇستىك قازاقستان، پاۆلودار، اقمولا، شىعىس قازاقستان، قاراعاندى وبلىستارىندا قار جاۋىپ، بۇرقاسىن بولادى. كەي جەرلەردە تۇمان، كوكتايعاق كۇتىلەدى. وڭتۇستىك- باتىس، باتىستان سوققان جەلدىڭ جىلدامدىعى 15-20، ەكپىنى 25 م/س، كەي جەرلەردە 30 م/س جانە ودان دا اسۋى مۇمكىن.

بۇرقاسىن بولۋ ىقتيمالدىلىعى %90-95.