التاي ولكەسىندە اپاتقا ۇشىراعان قازاقستاندىق اۆتوبۋس 6 كۇننەن بەرى تراسسادا تۇر
وسكەمەن. قازاقپارات - 8 قاراشادا جول اپاتىنا ۇشىراعان وسكەمەن- بارناۋل باعىتىنداعى جولاۋشىلار اۆتوبۋسى التى كۇننەن بەرى ساراپتاما ناتيجەسىن كۇتىپ، تراسسادا تۇر، دەپ حابارلايدى «قازاقپارات» ح ا ا ءتىلشىسى.
التايلىق ب ا ق- تىڭ حابارلاۋىنشا، 8 - قاراشا كۇنى تاڭەرتەڭ ا-322 «بارناۋل- رۋبتسوۆسك- قازاقستان رەسپۋبليكاسىنىڭ شەكاراسى» تاسجولىنىڭ 106- شاقىرىمىندا جان تۇرشىگەرلىك جول اپاتى بولىپ، «تويوتا» اۆتوموبيلىنىڭ ءتورت جولاۋشىسى قازا تاپقان. ولاردىڭ بارلىعى دا اسكەري قىزمەتشىلەر بولعان. ال «رەنونىڭ» ءۇش جولاۋشىسى اۋرۋحاناعا جەتكىزىلگەن. قازاقستاندىق اۆتوبۋستىڭ ىشىندەگى جولاۋشىلار زارداپ شەكپەگەن. توپچيحا ەلدى مەكەنىنىڭ ماڭىنداعى كوپىر جانىندا «تويوتا» جۇرگىزۋشىسى كولىككە يە بولا الماي قالىپ، قاراما- قارسى باعىتقا شىعىپ كەتەدى دە، جول جيەگىندەگى قورشاۋعا سوعىلادى. ونىڭ ارتىنان قازاقستاندىق «فوتون» اۆتوبۋسى، كەيىن «رەنو» كەلىپ سوقتىعىسادى. «قازاقپارات» ح ا ا ءتىلشىسى وقيعانىڭ ءمان- جايىن انىقتاۋ ءۇشىن ەكى ەلدىڭ پوليتسيا قىزمەتىنە، سونداي- اق شىعىس قازاقستان وبلىسى بويىنشا توتەنشە جاعدايلار دەپارتامەنتى مەن وسكەمەن اۆتوۆ وكزالىنىڭ اكىمشىلىگىنە حابارلاستى.
«ايتىلىپ جاتقان اڭگىمەلەر (الەۋمەتتىك جەلىلەردە - رەد. تىم اسىرەلەنگەن. شىن مانىندە، جاعداي مۇلدەم باسقا. بىرىنشىدەن، اۆتوبۋس جولاۋشىلارى اپاتتان كەيىن 20 مينۋتتان سوڭ، بارناۋلعا تەگىن جەتكىزىلدى» ، - دەيدى وسكەمەن اۆتوۆوكزالى باسشىسىنىڭ ورىنباسارى يۆان ەۆدوكيموۆ.
ونىڭ سوزىنە قاراعاندا، كورشى ەل اسكەري پروكۋراتۋراسىنىڭ تەرگەۋ ورگاندارى ساراپتامانى الداعى جۇما كۇنى، 17 - قاراشادا اياقتاۋعا ۋادە بەرگەن. «جول اپاتىنا ۇشىراعان قازاقستاندىق اۆتوبۋستىڭ جۇرگىزۋشىلەرى توپچيحا ەلدى مەكەنىندەگى قوناقۇيدە جاتىر. اۆتوبۋسقا قاجەتتى بولشەكتەر جەتكىزىلگەن» ، - دەيدى ي. ەۆدوكيموۆ. انىقتالعانداي، قازا تاپقان اسكەري قىزمەتشىلەر 22, 23, 24 جانە بىرەۋى 31 جاستا بولعان.
