12:46, 16 - قازان 2017 | GMT +5
دارىگەر: شاشىن ءبىر جىلدا 6 رەتتەن كوپ بويايتىن ايەل راكپەن اۋىرادى
استانا. قازاقپارات - ءبىر جىلدا شاشىن التى رەتتەن كوپ بويايتىن ايەلدەر ءسۇت بەزى راگىنا شالدىعۋلارى مۇمكىن.
بۇل تۋرالى Princess Grace Hospital لوندون اۋرۋحاناسىنىڭ پروفەسسورى كەفان موكبەل مالىمدەدى. دارىگەر ءسۇت بەزى راگىنا شالدىققان ناۋقاستاردىڭ اۋرۋ تاريحىن ءوزارا سالىستىرىپ زەرتتەگەن. ناتيجەسىندە %14 جاعدايدا شاشىن ءجيى بويايتىن ايەلدەرگە وسى دياگنوز قويىلاتىنى بەلگىلى بولعان.
«ءبىزدىڭ ماماندار شاش بوياۋىنىڭ ونكولوگيالىق اۋرۋلارعا اكەلىپ سوقتىراتىنىن انىقتادى. جەكە ءوزىم شاشىن ءبىر جىلدا التى رەتتەن كوپ بويايتىن ايەلدەرگە دارىگەرلەرگە قارالىپ تۇرۋعا كەڭەس بەرەتىن ەدىم»، - دەيدى دارىگەر.
مۇنىمەن قاتار، مۇمكىندىگىنشە قۇرامىندا امياك جوق بوياۋلاردى تاڭداۋعا كەڭەس بەردى. وسى ۋاقىتقا دەيىن فلاماند ۋنيۆەرسيتەتىنىڭ ماماندارى قانتتى كوپ تۇتىناتىن ادامداردىڭ راك اۋرۋىنا ءجيى شالدىعاتىندارىن بايقاعان.
