15:15, 23 - قىركۇيەك 2017 | GMT +5
قاشاعان كەن ورنىندا 6 ميلليون توننا مۇناي ءوندىرىلدى
اتىراۋ. قازاقپارات - اتىراۋ وبلىسىندا «نورت كاسپيان وپەرەيتينگ كومپانيي ب. ۆ.» (نكوك) كومپانياسى يگەرىپ جاتقان قاشاعان تەڭىز كەن ورنىندا التى ميلليون توننا مۇناي ءوندىرىلدى، دەپ حابارلايدى قازاقپارات ءتىلشىسى.
«2016-جىلدىڭ 28- قىركۇيەگىندە نكوك كومپانياسى ا. ارالىنداعى العاشقى ۇڭعىمالاردى قايتا ىسكە قوسۋ جۇمىستارىن جۇرگىزدى. وسى ۋاقىت ارالىعىندا كومپانيا 6 ميلليون توننا مۇناي ءوندىردى. جۇيەنىڭ جۇكتەمەسى بولجامدى كورسەتكىشتەردەن اسىپ تۇسۋدە. ونىمەن قوسا، قاشاعان كەن ورنىندا يگەرۋ جۇيەلەرىن پايدالانۋ كەزەڭى ىشىندە 1,7 ميلليارد تەكشە مەتردەن استام گاز ءوندىرىلدى. ول «قاز ترانس گاز» قۇبىر جەلىسى بويىنشا ەكسپورتقا جونەلتىلدى»، - دەپ ءمالىم ەتتى «قازاقپارات» ح ا ا- نىڭ ساۋالىنا جاۋاپ بەرگەن كومپانيانىڭ باسپا ءسوز قىزمەتىنەن.
