اۋىر اتلەتيكادان ق ر قۇراماسى دۇنيەجۇزىلىك ستۋدەنتتەر ويىنىن 6 مەدالمەن اياقتادى
دۇنيەجۇزىلىك ستۋدەنتتەر ويىنىنا اتتانعان قازاقستاندىق 10 سپورتشىنىڭ التاۋى مەدالدار ەنشىلەدى. اتاپ ايتقاندا، البەرت ليندەر (69 ك گ دەيىن) ، ايدار قازوۆ (77 ك گ دەيىن) ، دەنيس ۇلانوۆ (85 ك گ دەيىن) «التىن» يەلەنسە، كارينا گوريچيەۆا (69 ك گ دەيىن) مەن رۇستەم سىباي (94 ك گ دەيىن) - كۇمىس، ارلي چونتەي (56 ك گ دەيىن) قولا مەدالدارعا قول جەتكىزدى.
«مەن سپورتشىلاردىڭ ناتيجەسىنە ريزامىن. ولار ءبىز كۇتكەننەن ارتىق ونەر كورسەتتى، ونىڭ قۋانتپاۋى مۇمكىن ەمەس. كەيبىر سپورتشىلار ءۇشىن بۇل وليمپيادادان كەيىنگى العاشقى ستارت. سونىڭ وزىندە كورسەتكىش جامان ەمەس. الدا ءبىزدى جاۋاپكەرشىلىگى مول كۇز كۇتىپ تۇر - 5 - قىركۇيەك كۇنى قازاقستان رەسپۋبليكاسىنىڭ چەمپيوناتى باستالادى، 17-27 - قىركۇيەك ارالىعىندا اشحابادتا ازيا ويىندارى جانە 27 - قاراشادا ءبىزدىڭ قۇراما كوماندامىز بيىلعى جىلدىڭ باس سپورتتىق شاراسى - الەم چەمپيوناتى-2017 گە قاتىسادى. سول سەبەپتى دەمالىسقا ۋاقىت جوق» ، - دەپ اتاپ ءوتتى اۋىر اتلەتيكادان ۇلتتىق قۇراما كومانداسىنىڭ باس جاتتىقتىرۋشىسى يۋري مەلنيكوۆ ۋنيۆەرسياداعا قاتىستى ءوز پىكىرىن ءبىلدىردى.
