قاراعاندىدا «الەم» ساۋدا ۇيىنەن 6 كەلى التىن ۇرلاعان ادامنىڭ سوتى باستالدى

تەرگەۋ نۇسقاسىنا سايكەس، جاندوس اسانوۆ ەسىمدى كۇزەتشى 2016 -جىلدىڭ 28 -ناۋرىزىندا دابىس بەلگىسىن قوسپاعان جانە نىساندى ورتالىق كۇزەت قىزمەتىنە وتكىزبەگەن. قاراعاندى ءى ءى ب وڭتۇستىك شىعىس ءى ءى ب- نىڭ تەرگەۋ نۇسقاسى بويىنشا ءوزىنىڭ تانىسى دانيار ابدىرامانوۆپەن 12 بۋتيكتەن زەرگەرلىك بۇيىمداردى ۇرلاپ كەتكەن. وسىدان كەيىن سەيفتەر قوپارىلىپ، ساۋدا بولىمدەرىن جالعا الىپ جاتقان كاسىپكەرلەردىڭ اقشاسى قولدى بولعان.

نىسان ونلاين- رەجيمدە جۇمىس اتقاراتىن، بەينەجازباسى فلەشكاعا جازىلاتىن بەيناباقىلاۋ كامەراسىنىڭ بارىن بىلەتىن ەكى كۇدىكتى مەديتسينالىق بەتپەردە كيىپ العان. ۇرلىق ىسكە اسىرىلعاننان كەيىن نىسان ورتالىق سيگناليزاتسياعا قوسىلعان.

29 -ناۋرىزدا «الەم» ساۋدا ءۇيى اكىمشىلىگىنىڭ قىزمەتكەرلەرى جۇمىسقا كەلىپ، ۇرلىقتىڭ بولعانىن كورگەننەن كەيىن پوليتسياعا حابار بەرگەن. ال كۇزەتشى جاندوس اسانوۆ جۇمىس ورنىنان تابىلماعان. ونىڭ اتالعان ساۋدا ۇيىنە جۇمىسقا ورنالاسقانىنا بار-جوعى 1 اي عانا بولىپتى. وعان ىزدەۋ جاريالانىپ، قاراعاندى قالاسىنىڭ بارلىق لومباردتارىنا اسانوۆ نەمەسە ونىڭ زايىبى، الدە اپكەسى التىن وتكىزۋگە كەلسە بىردەن حابار بەرۋ كەرەكتىگى تۋرالى ەسكەرتىلگەن.

كۇزەتشىنىڭ تۋىسىنىڭ قىلمىسقا قاتىسى بولۋى مۇمكىندىگىنەن پوليتسيا قىزمەتكەرلەرى كۇدىكتەنبەگەن كورىنەدى. ارادا ءتورت اي وتكەننەن كەيىن كۇزەتشى مەن ەكىنشى كۇدىكتى قولعا تۇسكەن. ۇستالعانداردىڭ ءبىرىنىڭ ادۆوكاتى ليديا ارزاماسوۆا پوليتسيا بولىمىنە 6 كەلى التىن مەن 9 مىڭ ا ق ش دوللارىن اكەلىپ، ءوز قورعاۋىنداعى ادامنىڭ اۋلاسىنا بۇل قۇندى زاتتار مەن اقشانى بىرەۋلەردىڭ اكەپ تاستاعانىن ايتىپ بەرگەن.

جابىرلەنۋشى كاسىپكەرلەر بۇل نۇسقاعا سەنبەي، ادۆوكاتتىڭ ولاردى اقتاپ الۋىنا كۇش سالىپ جاتىر دەپ ءمالىم ەتتى. جابىرلەنۋشىلەر 6 كەلى التىندى كۇدىكتىلەردەن تاركىلەنگەن زات رەتىندە تىركەۋدى سۇرادى. اقىرى، تەرگەۋشى ارزاماسوۆانى قىلمىستىق ىسكە قاتىستى كۋاگەر رەتىندە تانىدى. ءبىر سوت ىسىندە كۋاگەر ءارى ادۆوكات بولۋ زاڭعا قايشى. وسى سەبەپتى، ارزاماسوۆا ادۆوكات رەتىندە قاتىسۋدان شەتتەتىلدى.

6 كەلى التىننىڭ بارلىعى كاسىپكەرلەرگە قايتارىلىپ بەرىلدى. كەلتىرىلگەن شىعىن 226 ميلليون تەڭگەنى قۇراعان.

«ەكى كۇدىكتىگە قاتىستى قىلمىستىق ءىس سوتقا ءتۇستى. گۇلنار دەگەنوۆا سۋديا بولىپ تاعايىندالدى»، - دەپ حابارلايدى قاراعاندى قالاسى قازىبەك ءبي اۋدانىنىڭ №1 -سوتىنان.

سوتتالۋشىلارعا ق ر ق ك 188-بابى 3- جانە 4-بولىگى ايىپ تاعىلىپ وتىر.