ءىنىسىن تاستامايتىنىن ايتىپ جىلاعان 6 جاسار بالا جۇرتتىڭ جۇرەگىن اۋىرتتى

ۋاقىت وتە كەلە اناسىنىڭ قايتىپ ورالمايتىنىن تۇسىنگەن 6 جاسار بالا ءىنىسىن قۇشاقتاپ جىلاي باستاعان. اناسى ولاردى تاڭعى ساعات 5 شاماسىندا قالدىرىپ كەتكەن ەكەن.

بۇل تۋرالى "The Daily Mail"  باسىلىمى حابارلايدى.

ۆەتنامدا اناسى ءوزىنىڭ ەكى ۇلىنان باس تارتىپ، ولاردى كوشەگە تاستاپ تايىپ تۇرعان. الايدا اعاسى ءىنىسىن تاستامايتىنىن كورسەتىپ، ونى امان ساقتاپ قالۋ ءۇشىن بارىن سالعان. ادامدار ءسابيدى پلاستماسسا ىدىستىڭ ىشىندە جاتقان جەرىنەن تاۋىپ العان. ال 6 جاستاعى اعاسى ونىڭ قۇشاقتاپ جىلاپ وتىر ەكەن. اناسى بەنزينگە بارىپ كەلەتىنىن ايتىپ قاشىپ كەتكەن ەكەن. پوليتسيا قىزمەتكەرلەرى ەندى ەكى بالانىڭ اناسىن ىزدەستىرىپ جاتىر.

«بۇگىن تاڭەرتەڭ ءبىر ايەل عيباداتحانانىڭ جانىنا بالالارىن تاستاپ كەتتى. ءدال قازىر ەكى بالا اۋرۋحانادا جاتىر. ءبىز بيلىك ەكى بالاعا كومەكتەسە الاتىن شىعار دەگەن ويدامىز. اتا-انالاردىڭ نەگە سونشا تاسجۇرەك بولاتىنىن تۇسىنە المادىم. بالكىم، بىرەۋلەر ولاردى اتا- اناسىنان ۇرلاپ اكەتىپ، ساتىپ جىبەرمەك بولعان شىعار؟!» - دەيدى نحۋ گوك.