مەديتسينالىق پويىزدار شالعاي ستانسالارداعى 6 مىڭنان استام تۇرعىنعا قىزمەت كورسەتتى
دەپ حابارلايدى «قازاقستان تەمىر جولى» ۇ ك» ا ق باسپا ءسوز قىزمەتى.
كومپانيانىڭ كورپوراتيۆتىك قورىنىڭ ديرەكتورى ەربول كەڭگىربايەۆتىڭ ايتۋىنشا، تۇرعىندارى تەگىن جوعارى دارەجەلى بىلىكتى مەديتسينالىق قىزمەتتى الدى. ونىڭ ىشىندە كاسىبي دارىگەرلىك كومەك كورسەتىلىپ، قيىندىق تۋعىزاتىن سىرقاتتارعا جاقىن ماڭداعى مەديتسينالىق ورىنعا جولداما بەرىلگەنى.
«دەنساۋلىق» پويىزىنىڭ دارىگەرلەرى بەينەۋ ستانسياسىنىڭ تۇرعىندارىمەن بىرگە وسى وڭىردەگى اسكەري بولىمشەدەگىلەردىڭ دە دەنساۋلىعىن دا تەكسەرگەن. پويىز ساپارعا شىققالى بەرى قاراعاندى مەن ماڭعىستاۋ وبلىستارىنىڭ 6,5 مىڭ ادامىن تەكسەرۋدەن وتكىزگەن. جالپى دارىگەرلەر 31 مىڭ ادامدى قارادى. 33 مىڭنان استام دياگنوستيكالىق باقىلاۋ جاسالسا، 133 امبۋلاتوريالىق شاعىن وتاشىلىق قىزمەتى كورسەتىلدى. تۇرعىندارعا ءتىس دارىگەرلەرىنىڭ جاردەمى كورسەتىلدى.
ايتا كەتەرلىگى، «سالاماتتى قازاقستان» مەديتسينالىق پويىزى قاراعاندىدان 11- ساۋىردە ساپارعا شىققان بولاتىن. ول بيىلعى قاراشانىڭ 6-سىنا دەيىن ەلىمىزدىڭ ورتالىق، سولتۇستىك، شىعىس وڭىرلەرىن قامتيدى. الماتى-1 ستانساسىنان 18 -ساۋىردە ساپارعا شىققان «دەنساۋلىق» پويىزى قازاقستاننىڭ وڭتۇستىك جانە باتىس وڭىرلەرىنە قىزمەت كورسەتەدى. بۇل پويىز قۇرامى بيىلعى جەلتوقساننىڭ 20-سىنا دەيىن جۇرەتىن بولادى.
