19:06, 17 - اقپان 2017 | GMT +5
جامبىل وبلىسىندا قار كوشكىنى استىنان تاعى 6 جاۋىنگەر قۇتقارىلدى
استانا. قازاقپارات - جامبىل وبلىسىندا قار كوشكىنى استىنان تاعى 6 ادام قۇتقارىلدى، دەپ حابارلايدى قازاقپارات.
«قۇتقارىلعانداردىڭ سانى 10-نان 16 ادامعا جەتتى» ، - دەدى ق ر ءى ءى م توتەنشە جاعدايلار كوميتەتىنىڭ رەسمي وكىلى رۋسلان يمانقۇلوۆ.
ايتا كەتەيىك، بۇعان دەيىن جامبىل وبلىسى كوكساي شاتقالىندا ورىن العان قار كوشكىنىنە قاتىستى ق ر قورعانىس مينيسترلىگى رەسمي مالىمدەمە جاساعان ەدى. وندا: «جامبىل وبلىسىنداعى كوكساي شاتقالىندا ءوتىپ جاتقان 91678 اسكەري ءبولىمى اسكەري قىزمەتشىلەرىنىڭ جاۋىنگەرلىك دايىندىعى بويىنشا جوسپارلى ساباعى بارىسىندا كۇتپەگەن جەردەن قار كوشكىنى ورىن الدى»، - دەلىنگەن.
ءسال كەيىنىرەك، ق ر ءى ءى م توتەنشە جاعدايلار كوميتەتىنىڭ رەسمي وكىلى رۋسلان يمانقۇلوۆ قار كوشكىنى استىنان 10 ادام قۇتقارىلىپ، 7 ادامنىڭ مۇردەسى تابىلعانىن مالىمدەگەن بولاتىن.
اۆتور: مارلان جيەمباي
