اۆتوبۋستار تاڭعى ساعات 6 عا دەيىن جۇرەتىن بولادى - استانا اكىمى يسەكەشيەۆ

دەپ حابارلايدى قازاقپارات ءتىلشىسى.
«ءبىز جاڭا 338 اۆتوبۋستى جەتكىزگەننەن كەيىن قوعامدىق كولىكتەردىڭ قوزعالىسىن تۇندە ۇيىمداستىرۋدى جوسپارلاپ وتىرمىز. ونداي تاجىريبە الەمنىڭ كوپتەگەن مەگاپوليستەرىندە بار. سوندىقتان ءبىز ءبىرقاتار باعدارلاردىڭ جۇمىسىن تاڭعى ساعات 6-عا دەيىن ۇزارتۋدى كوزدەيمىز. ويتكەنى تاڭعى ۋاقىتتا جۇمىس ىستەيتىن ازاماتتار از ەمەس. سول سەبەپتى الدىمەن تۇنگى 12-گە دەيىن ۇزارتىپ كورەيىك. دەگەنمەن، ەڭ باستىسى، اۆتوبۋس جۇرگىزۋشىلەرى ماسەلەسىن شەشىپ العان ءجون. ولاردىڭ جالاقىسىن قاراپ، ەكى اۋىسىمدا جۇمىس ىستەۋىن ۇيىمداستىرۋ قاجەت. سەبەبى كولىك جۇرگىزۋشىسى تاڭ اتقاننان باستاپ، تۇنگە دەيىن ىستەسە، جول- كولىك وقيعالارى جيىلەپ كەتۋى ابدەن مۇمكىن»، - دەدى قالا باسشىسى استانا قالاسىنىڭ كولىكتىك كەشەنىن دامىتۋ باعدارلاماسىنا ارنالعان قوعامدىق تىڭداۋلار بارىسىندا.
يسەكەشيەۆتىڭ سوزىنە قاراعاندا، بۇگىندە ەلوردادا قوعامدىق كولىك جۇرگىزۋشىلەرىنىڭ تاپشىلىعى ماسەلەسى بار. بۇگىندە قالادا وسى ساناتتاعى 1500 مامان جەتىسپەيدى.
اۆتور: ارمان اسقاروۆ