قوستانايدا سپورت مەكتەبىنىڭ باس ەسەپشىسى اقشانى جۇمساپ جىبەرگەنى ءۇشىن 6 جىلعا سوتتالدى
قوستاناي №2 سوتى ونى ق ر ق ك 189-بابى 3-بولىگى بويىنشا ايىپتى دەپ تانىپ، وعان مۇلكىن تاركىلەي وتىرىپ، 6 جىلعا باس بوستاندىعىنان ايىرۋ جازاسىن تاعايىندادى. مەملەكەتتىك ايىپتاۋشى داسيەۆا 2012-2015 -جىلدار كەزەڭىندە جارىس وتكىزۋ بويىنشا قارجى شىعىندارىن تولەگەن كەزدە كورپوراتيۆتىك كارتوچكادان بارشا قاتىسۋشىعا، باپكەرگە ارنالعان قولما- قول قاراجاتتى شەشىپ الىپ، اقشانى كاسساعا قايتارماعانىن دالەلدەدى. جۇمسالعان قاراجاتتىڭ جالپى سانى شامامەن 1,4 ميلليون تەڭگەنى قۇرادى.
داسيەۆا كورپوراتيۆتىك كارتوچكادان تاعى 1,9 ميلليون تەڭگەنى شەشىپ الىپ، ءوز قاجەتىنە جۇمساعان. سوت تالقىلاۋى بارىسىندا سوتتالۋشى كىناسىن مويىنداعىسى كەلمەي، راستايتىن قۇجاتتار رەۆيزيا كەزىندە بۋحالتەريادان قۇپيا تۇردە جوعالىپ كەتكەنىن ايتتى. داسيەۆا بۇل وقيعا مەكتەپتىڭ جاڭا ديرەكتورىمەن جۇمىس جانە جەكە ماقساتتاعى داۋ- دامايى كەزىندە بولعانىنا سەنىمدى. باس بوستاندىعىنان ايىرۋ، مۇلكىن تاركىلەۋمەن قوسا، سوتتالۋشى ۇيىمداستىرۋ- وكىمدىك، اكىمشىلىك- شارۋاشىلىق قىزمەتتەرگە بايلانىستى مەملەكەتتىك قىزمەتتە لاۋازىمدى قىزمەتتى يەلەنۋ قۇقىعىنان ايىرىلدى. داسيەۆا دەنە شىنىقتىرۋ، سپورت بولىمىنە جۇمسالعان بيۋدجەت شىعىنىن قايتارۋعا مىندەتتى.
