11:44, 16 - جەلتوقسان 2016 | GMT +5
قىتايلىق قالىڭدىق ۇزىندىعى 6 شاقىرىمعا جەتەتىن توي كويلەگىن كيدى - كەسكىن
استانا. قازاقپارات - قىتايلىق چجەن يۋەتساي ەسىمدى بيزنەسمەن ءوزىنىڭ قىزىنا فاتاسىنىڭ ۇزىندىعى التى شاقىرىم بولاتىن ەرەكشە توي كويلەگىن سىيلادى.
قالىڭدىق كويلەگىنىڭ فاتاسىن ۇستاپ ءجۇرۋ ءۇشىن 560 ادام قاجەت بولعان. ەندى ولار وسى ەرەكشە جاعداي گيننەستىڭ رەكوردتار كىتابىنا كىرەدى دەپ ۇمىتتەنىپ وتىر ەكەن.
فاتانى جاساپ شىعۋ ءۇشىن قالىڭدىقتىڭ اكەسى 1 ميلليون يۋان جۇمساعان. ول جاس وتباسىنىڭ عۇمىرى ۇزاق بولسىن دەگەن نيەتپەن وسىنداي كويلەك تىكتىرىپتى.
قىتايلىق ينتەرنەت قولدانۋشىلارى بۇل جاعدايعا تۇسىنىستىكپەن قاراپ، وڭ كوزقاراس بىلدىرگەن. الايدا سونشالىقتى اقشا مەن ماتانى ءراسۋا ەتكەن دەپ سىناعاندار دا تابىلعان.
بۇعان دەيىن 17 جاستاعى رۋمىنيالىق ەمما دۋميترەسكا ەڭ ۇزىن فاتانىڭ يەسى اتانعان ەدى. ول 2977 مەترلىك توي كويلەگىن كيگەن.
Stan.kz
