تۋريستەر تۇرمە دەپ اتايتىن سولتۇستىك كورەياداعى 6 جۇلدىزدى قوناق ءۇيدىڭ كورىنىسى - فوتو
بىرنەشە تۋريستەر عالامتوردا سولتۇستىك كورەياداعى جالعىز 6 جۇلدىزدى قوناق ءۇيدىڭ تالاپقا ساي ەمەستىگىن ايتىپ، جاعىمسىز پىكىر جازىستى.
ولارعا قوناق ءۇيدىڭ قىزمەت كورسەتۋ ساپاسى دا، جاعدايى دا ۇناماعان ەكەن، دەپ جازادى Daily Mail.
قوناق ۇيدە تۇراقتاعان تۋريستىڭ ءبىرى ونداعى توسەكتەردىڭ قاتتىلىعىن، ايتىپ ودان دا ەدەندە جاتقان ىڭعايلى ەكەنىن جازادى.
ەندى ءبىرى: «كەڭەس ستيلىندەگى كلاسسيكالىق قوناق ءۇي. جارىعى ناشار، تاعامدارى دا جاقسى ەمەس»، - دەپ جازعان.
ەستونيالىق دەۆيد تەمپلان «ريانگان» قوناق ءۇيىن ەسكى ءارى سۋىق عيمارات دەپ اتايدى.
«ەلەكتروتوقتارى سىنىپ ارەڭ تۇر. ەدەندە جارتىلاي ۇزىلگەن سىمدار جاتىر»، - دەيدى ول.
قوناق ءۇيدىڭ عالامتوردا جەكە سايتى دا جوق ەكەن.
Tripadvisor رەيتينگىسى بويىنشا «ريانگان» 2,5 بال جيناعان، كوپشىلىگى قوناق ءۇيدى ورتاشا جانە ناشار دەپ بەلگىلەگەن.
كاركاستان تۇرعىزىلعان عيماراتتىڭ 1992-جىلى باستى دەمەۋشىسى ك س ر و ىدىراعان سوڭ قۇرىلىسى توقتاپ قالعان. ەل ەكوميكالىق اشارشىلىقتى باستان كەشىپ، 3,5 ميلليون ادام كوز جۇمدى. وسىلايشا مەملەكەت سيمۆولىنا اينالۋى ءتيىس قوناق ءۇي ماعىناسىز عيماراتقا اينالىپ، وزگە ەلدەردىڭ مازاعىنا قالدى.
2008-جىلى 16 جىلدان سوڭ عيمارات قۇرىلىسى قايتا وڭدەلدى. 2011-جىلى بولات توسەلىپ، سىرتى شىنىدان قۇرىلدى. وعان 146 ميلليون دوللار جۇمسالعان.
عيماراتتى ەگيپەتتىك Orascom توبى 400 ميلليون دوللارعا كەلىسىم شارتقا وتىرىپ جاساعان.
