19:44, 02 - قىركۇيەك 2016 | GMT +5
بايقوڭىردا 6 مەكتەپ قازاقستاندىق ءبىلىم بەرۋ ستاندارتىنا كوشتى
استانا. قازاقپارات 1 - قىركۇيەكتەن «بايقوڭىردا» 6 مەكتەپ قازاقستاندىق ءبىلىم بەرۋ ستاندارتىنا كوشتى.
بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندەگى بريفينگتە قىزىلوردا وبلىسى اكىمىنىڭ ورىنباسارى رۋسلان رۇستەموۆ ءمالىم ەتتى.
«وسى جىلدىڭ 1 - قىركۇيەگىنەن باستاپ بايقوڭىر قالاسىنداعى 6 مەكتەپ پەن 1 بالاباقشا قازاقستاندىق ءبىلىم بەرۋ ستاندارتىنا كوشتى. بارلىعىنا دا وبلىستىق بيۋدجەتتەن قارجى ءبولىنىپ، جاڭا ماتەريالدىق- تەحنيكالىق بازامەن قامتاماسىز ەتىلدى. وندا جۇمىس ىستەيتىن ۇستازداردىڭ جالاقىسى رەسەيلىك ستاندارتپەن ەسەپتەلىنگەن بۇرىنعى ايلىقتارىنان وسكەندىگى بايقالادى. قازىر بايقوڭىرداعى 6 مەكتەپتە 4755 بالا ءبىلىم الىپ، ال 1 بالاباقشادا 177 بالا تاربيلەنۋدە» ، - دەدى ول.
ر. رۇستەموۆتىڭ ايتۋىنشا، بۇگىندە بايقوڭىر قالاسىندا 40 مىڭنان استام قازاقستان ازاماتى تۇرىپ جاتىر.
اۆتور: مارلان جيەمباي
