شەتەلدىك پسيحولوگتاردىڭ بالا تاربيەسىنە قاتىستى 6 كەڭەسى

استانا. قازاقپارات - كوپتەگەن اتا- انالار تەحنولوگيا دامىعان سايىن ونىڭ بالا تاربيەسىنە كەرى اسەرى كوبەيىپ جاتقانىن ەستىگەن بولار.

وسى تۇرعىدا گارۆارد ۋنيۆەرسيتەتىنىڭ پسيحولوگتارى بالانى قالايشا مەيىرىمدى، وزىنە سەنىمدى جانە دەنىن ساۋ ەتىپ ءوسىرۋى كەرەكتىگىن ايتىپ بەردى.

بالامەن بىرگە ءجيى ۋاقىت وتكىزۋ

بۇل ەڭ ماڭىزدىسى. بالامەن تۇراقتى تۇردە بىرگە ۋاقىت وتكىزۋ ارقىلى ءسىز ونىڭ جەكە جۇمىسىن، ماسەلەسىن بىلە الاسىز. باستىسى ونىڭ مۇقيات تىڭداي ءبىلۋ كەرەك. وسىلايشا ءسىز ونىڭ جەكە مۇمكىندىكتەرىن ءبىلىپ قانا قويماي، بىرەۋگە قالاي كومەكتەسۋ كەرەكتىگىن ۇيرەتەسىز.

بالاڭىزعا ونى جاقسى كورەتىنىڭىزدى، ءسىز ءۇشىن ماڭىزدى ادام ەكەنىن ءجيى ايتىپ وتىرىڭىز

مامانداردىڭ زەرتتەۋىنشە، بالالار اتا-انالارى ءۇشىن ەڭ جاقىن ادامى ەكەنىن، ولار ءۇشىن وزدەرىنىڭ قانشالىقتى ماڭىزدى ەكەنىن بىلمەيدى. سوندىقتان بۇل سوزدەردى اۋىزشا بالاڭىز ايتىپ ءجۇرىڭىز.

پروبلەمادان قاشۋعا ەمەس، كەرىسىنشە ونىڭ شەشۋ جولدارىن ۇيرەتىڭىز

ماسەلەن، بالاڭىز فۋتبول ۇيىرمەسىنە ەندىگارى قاتىسپايتىنىن ايتسا، ودان ناقتى نە سەبەپتى بۇلاي ىستەگىسى كەلگەنىن سۇراعىز. ماسەلەنىڭ ءمان-جايىن انىقتاپ كورىڭىز.

بالانى وزگەگە كومەكتەسۋگە جانە قايىرىمدى بولۋعا ۇيرەتىڭىز

زەرتتەۋ بويىنشا، ۇنەمى العىس ايتىپ جۇرەتىن ادامنىڭ كەشىرىمدى، مەيىرىمدى، وزگەگە كومەككە ۇمتىلىپ تۇراتىندىعى انىقتالدعان. سوندىقتان بالاعا كۇنىنە ءتۇرلى تاپسىرمالار بەرىپ، ونى ورىنداعانى ءۇشىن العىس ايتىپ ءجۇرىڭىز.

نەگاتيتى ويلارعا بەرىلمەۋىن قاداعالاڭىز

بالانىڭ اشۋلانۋىنا، كەك ساقتاۋىنا، ۇيالۋىنا جول بەرمەڭىز. مۇنىڭ زيانىن ءتۇسىندىرىڭىز. نەگاتيۆتى پىكىرلەر بالانىڭ پسيحولوگياسىنا اسەر ەتەدى.

بالاعا الەمنىڭ ول ويلاعانداي ەمەس ۇلكەن ەكەنىن ۇقتىرىڭىز

كوپتەگەن بالا ءوز ورتاسى، وتباسى، دوستارىنان ءارى اسىپ، ەشتەڭەنى تاني الماي جۇرەدى. بالاعا الەۋمەتتىك، مادەني، ءتىپتى گەوگرافيالىق تۇرعىدا وزگە ادامداردى تانۋىنا كومەكتەسىڭىز.