20:39, 30 - مامىر 2016 | GMT +5
اقتوبەدە بيىكتىگى 6 مەتردەن اساتىن «دومبىرا ەسكەرتكىشى» ورناتىلدى
استانا. قازاقپارات - اقتوبە قالاسىنداعى ءاليا مولداعۇلوۆا مەن ءابىلقايىر حان داڭعىلدارىنىڭ قيىلىسىندا دومبىرا تۇرىندەگى ەسكەرتكىش ورناتىلدى.
مۋزىكالىق ەسكەرتكىش اۆتورى - ۇستا قۋاتبەك ەشانوۆ.
«دومبىرانىڭ بيىكتىگى - 6,3 مەتر، ەنى - 1,4 مەتر. ءبىز اسپاپتىڭ بارلىق پارامەترلەرى مەن بولشەكتەرىن ساقتاپ جاساۋعا تىرىستىق»، - دەدى قۋاتبەك ەشانوۆ.
ەستكەرتكىش «شەراتون» قوناق ءۇيىنىڭ جانىنداعى «قىز قۋۋ» ءمۇسىنىنىڭ ورنىنا ورنالاستىرىلدى.
بويجەتكەننىڭ سىلبىر جىگىتتى قامشىمەن ساباماق بولعانىن بەينەلەيتىن ءمۇسىن قالا تۇرعىندارىنىڭ اراسىندا قىزۋ تالقىلانعان. ەندى ونىڭ ورنىنا الىپ دومبىرا ءمۇسىنى ورناتىلىپ، جاستاردىڭ «دومبىرا party» جيىندارىن وتكىزەتىن سۇيىكتى ورنىنا اينالماق.
