قانات يسلام حۋان دە انحەلدى 6 -راۋندتا تەحنيكالىق نوكاۋتپەن تىزە بۇكتىردى - فوتو، كەسكىن
بۇل جولى جەرلەسىمىز ون راۋندقا جوسپارلانعان كەزدەسۋدى مەرزىمىنەن بۇرىن اياقتاپ، كولۋمبيالىق بوكسشىنى تەحنيكالىق نوكاۋتپەن تىزە بۇكتىردى.
«قازاق» لاقاپ اتىمەن الەمدىك كاسىپقوي بوكستا تانىلا باستاعان قانات يسلامنىڭ بۇل شارشى الاڭداعى 21- كەزدەسۋى بولاتىن. ول بۇعان دەيىنگى جيىرما كەزدەسۋىنىڭ بارلىعىندا جەڭىسكە جەتىپ، ونىڭ 17 ىسىندە قارسىلاستارىن نوكاۋتپەن سۇلاتقان ەدى. ەندى نوكاۋتتەر سانى 18 گە جەتىپ وتىر، سونىڭ ىشىندە جەرلەسىمىز قاتارىنان التى كەزدەسۋدى مەرزىمىنەن بۇرىن اياقتادى.
قانات يسلامنىڭ قارسىلاسىنا كەلسەك، كولۋمبيالىق حۋان دە انحەل 2008 -جىلدان بەرى كاسىپقويلار اراسىندا جەكپە-جەكتەر وتكىزىپ كەلەدى. شارشى الاڭداعى 22 كەزدەسۋىندە بىرەۋىن تەڭ ناتيجەمەن اياقتاپ، 18 رەت جەڭىس تۇعىرىنا كوتەرىلگەن. بۇگىنگى نوكاۋتتى قوسا العاندا ءتورت رەت قارسىلاستارىنا ەسە جىبەردى. ەكى بوكسشى دا ا ق ش- تا جاتتىعادى ءارى ەكەۋى دە «Nelson Lopez Jr» پروموۋتەرلىگىنىڭ بوكسشىلارى بولاتىن.
قانات يسلام بۇعان دەيىن 9-مامىر جەڭىس كۇنىنە وراي جەرلەستەرى مەن جانكۇيەرلەرىنە تاعى ءبىر «نوكاۋتپەن» سىيلىق جولدايتىنىن ايتقان بولاتىن. ول ۋادەسىندە تۇردى. جەڭىس قۇتتى بولسىن، اعايىن!
اۆتور: قانات مامەتقازى ۇلى
