تولاسسىز جاۋعان نوسەردەن 6 قاباتتى ءۇي قۇلادى
3 ادام قازا تاپقان قيراندى استىنان قۇتقارۋشىلار 58 ادامدى امان الىپ شىقتى. اراسىندا بالالار دا بار.
قۇلاعان ءۇي استىندا ءالى دە ادامدار بولۋى مۇمكىن بولعاندىقتان، ىزدەستىرۋ جۇمىستارى ءالى جالعاسىپ جاتىر.
سوڭعى مالىمەتتەرگە قاراعاندا، نىساننىڭ قۇلاۋىنا بىرنەشە كۇننەن بەرى توقتاماي جاۋعان جاڭبىر سەبەپ بولۋى مۇمكىن. بۇعان دەيىن ەلدەگى «جارتى اي ۇيىمى» شاھاردىڭ سولتۇستىك-شىعىسىنداعى حۋرۋم اۋدانىندا دا ءبىر عيمارات قيراپ، تۇرعىنداردىڭ جاپا شەككەنىن مالىمدەگەن ەدى.
دالادا قالعان 150 ادام ۋاقىتشا باسپانالارعا كوشىرىلگەن.
ستەفەن كاريۋكي، پارلامەنت دەپۋتاتى:
- بىرىنشىدەن، نىساننىڭ تۇرعان جەرى دۇرىس ەمەس. ەگەر ول ءدال وزەننىڭ جاعاسىندا تۇرماسا، قيراماس ەدى. بۇل جەرگە مۇلدەم ءۇي سالۋعا بولمايدى. جاعالاۋدا تۇرعان ۇيلەر قاۋىپ تۋدىراتىنى راس. ءبىراق ءبىز بۇل ماسەلەنى شەشۋ ءۇشىن جۇمىس ىستەيتىن بولامىز. ازىرگە قيراندى استىندا قالعانداردى تۇگەل شىعارىپ الۋىمىز كەرەك.
www.24.kz
