شۆەتسيالىق بويجەتكەن قىپشا بەلدى بولۋ ءۇشىن 6 قابىرعاسىن الدىرتىپ تاستادى

استانا. قازاقپارات - شۆەتسيا تۇرعىنى بەلىنىڭ ولشەمىن 40 سانتيمەتر ەتۋ ءۇشىن ارنايى وتا جاساتىپ، 6 بىردەي قابىرعاسىن الدىرتىپ تاستادى.

وتا قۇنى 120 مىڭ دوللاردى قۇراعان دەپ جازادى Cosmopolitan UK باسىلىمىنا سىلتەمە جاساپ Skifnews.kz.

پيكسي فوكستىڭ ايتۋىنشا، ول اۋرۋحانادان شىققالى بەرى بەلىنە قىسىپ تۇراتىن كورسەت كيىپ جۇرۋگە ءماجبۇر. ونى تەك شومىلار كەزدە نەمەسە سپورتزالعا بارعاندا عانا شەشىپ تاستايمىن دەيدى.

فوكس مۇنىمەن قويماي ءتوسىن ۇلكەيتىپ، ۇزىن كىرپىك جالعاتقان، ەرنىنە بوتەكس سالىپ، قاباعىن تىلگەن.

«ءىس مۇنىمەن بىتكەن جوق، مەن قازىر وتە سيرەك كەزدەسەتىن تاعى ءبىر وتا جاساتقالى جاتىرمىن»، - دەيدى فوكس ءوزىنىڭ ينستاگرام- پاراقشاسىندا.

ەرەكشە دەنە بىتىمىنە قول جەتكىزۋ ءۇشىن پيكسي فوكس 2015 -جىلدىڭ قاراشا ايىنان بەرى ارنايى ديەتاعا وتىرعان. ول سونداي-اق، كۇنىنە 2-5 ساعات شاماسىندا سپورتزالدا جاتتىعۋ جاسايدى.