قىتايلىق عالامتوردان ارزان ايفون-س6 -كە تاپسىرىس بەرىپ، ونىڭ ورنىنا نان الدى

استانا. قازاقپارات - قىتاي قالالاردىڭ بىرىندەگى تۇرعىن الاياقتاردىڭ ارباۋىنا ءتۇستى. عالامتوردان iPhone 6s تى نەبارى 230 دوللارعا ساتىلاتىنى جونىندەگى جارنامانى كورگەن قىتايلىق ونى ساتىپ الۋعا بەل بۋعان.

ايتا كەتۋ كەرەك، ول ساتۋشىدان جارنامانىڭ راس نەمەسە جالعان ەكەنىن سۇراعان ەكەن. ارزان تەلەفون ساتۋشى ونى الداپ كەتپەيتىنىن ايتىپ سەندىرگەن. ول: سمارتفوندار قىتايعا شەكارادان جاسىرىلىپ وتكىزىلگەن، ءارى باج سالىعى تولەنبەگەندىكتەن ونىڭ باعاسى ارزان (رەسمي باعادان %70 ارزان)، دەگەن.

قىتايلىق بۇعان سەنىپ، تەلەفوننىڭ قۇنىن تولەپ قويادى. تاۋار ەكىنشى كۇنى سالەمدەمەمەن جەتكىزىلدى، دەپ جازادى phoneArena.

ساتىپ الۋشى قوراپتى اشقاندا ونىڭ ىشىندە iPhone 6s سمارتفونىنىڭ ورنىندا كۇرىشتەن دايىندالعان جۇقا ناندى كوردى. مۇندا ءبىر قاتەلىك كەتتى دەپ تۇسىنگەن حوۋ (جاپا شەگۋشىنىڭ ەسىمى) ساتۋشىمەن بايلانىسقا شىقپاق بولادى، الايدا ساتۋشى ءىزىن سۋىتقان. شاعىمدى قاراعان پوليتسيا «الاياقتى قولعا ءتۇسىرۋ ەكىتالاي» دەگەن جاۋاپ قايتاردى.