10:36, 25 - ناۋرىز 2016 | GMT +5
قۇزعا ورمەلەۋشى جاس بالا 6 مەترلىك بيىكتىكتەن قۇلادى
استانا. قازاقپارات - رەسەيدىڭ ۆورونەج وبلىسىنداعى روسسوشانسك اۋدانىنداعى №1 پودگورەنسكايا ورتا مەكتەبىندە 13 جاستاعى بالا قۇزعا ورمەلەۋ جانە تۋريزم سەكسياسىنداعى جاتتىعۋلار كەزىندە 6 مەترلىك بيىكتىكتەن قۇلادى.
باسى تاسقا سوعىلعان بالا سول جەردە كوماعا ءتۇستى. زارداپ شەگۋشى ۆورونەجدەگى №2 -وبلىستىق بالالار كلينيكالىق اۋرۋحاناسىنا جەتكىزىلىپ، وتا جاسالدى. وتا جاساۋ كەزىندە جاس پاتسيەنتتىڭ كۇرەتامىرىنان كوپ قان كەتكەن.
قازىرگى كەزدە جانساقتاۋ بولىمىنە جاتقىزىلعان ناۋقاستىڭ ەسىن جيناعانى، ءبىراق ازىرگە سويلەي المايتىنى بەلگىلى بولدى، دەپ جازادى informing.ru.
