پوليتسيا 6 كۇدىكتى لاڭكەستى ءجىتى باقىلاۋعا الدى
وسىنىڭ الدىندا قالاداعى ءتارتىپ ساقشىلارى «2 ۆوكزالدا لاڭكەستىك ارەكەت بولادى» دەگەن ەسكەرتۋ العان بولاتىن.
وسىدان كەيىن ساپارجايلارداعى حالىق جاپپاي قاۋىپسىز جەرگە كوشىرىلدى. پويىزداردىڭ قوزعالىسى دا توقتاتىلدى. قالا پوليتسياسى تۇرعىندارعا كوپ ادام جينالاتىن جەرلەرگە بارماي، ساق ءجۇرۋدى ەسكەرتتى.
وسىنداي دابىلدار ەۋروپانىڭ بىرنەشە قالاسىندا دا جاريالانعان. شۇعىل اقپاراتتاردا لاڭكەستىك ارەكەتتەردىڭ جارىلعىش زاتتار مەن وق اتاتىن قارۋ ارقىلى جاسالاتىنى ايتىلىپتى. ميۋنحەن پوليتسياسى يراك پەن ليەۆانت لاڭكەستىك توبىنا مۇشە 5 نە 7 جانكەشتىنىڭ قاتىسۋىمەن لاڭكەستىك ارەكەت بولاتىنى تۋرالى اقپاراتتى شەتەلدىك بارلاۋشىلاردان العانىن مالىمدەدى.
ەستەرىڭىزگە سالا كەتەيىك، وتكەن جىلدىڭ 13- قاراشاسىندا پاريجدە بىرنەشە ەكسترەميستىك ارەكەت بولىپ، 130 ادام قازا تاۋىپ، 350 ءى جاراقاتتاندى. شابۋىلداردى يراك پەن ليەۆانت لاڭكەستىك توبى ءوز موينىنا الدى.
www.24.kz
