08:18, 22 - قاراشا 2015 | GMT +5
بەلگيا پوليسياسى كۇدىكتى 6 ادامدى تۇتقىندادى
استانا. قازاقپارات - بەلگيا پوليتسياسى لاڭكەستىككە قارسى وپەراتسيا جۇرگىزىپ، بريۋسسەل ماڭىنداعى جانارماي بەكەتىندە 6 ادامدى تۇتقىندادى.
بۇل تۋرالى بەلگيانىڭ La Libre Belgique گازەتى حابارلاپ وتىر.
ارنايى رەيد جەرگىلىكتى ۋاقىت بويىنشا ساعات 15:00 دە بريۋسسەلدەن 20 شاقىرىم قاشىقتىقتا ورنالاسقان بەرج اۋدانىندا باستالعان. ارنايى شارا كەزىندە بىرنەشە جەدەل جاردەم كولىگى مەن پوليسيا كولىگى شەتەلدىك ءنومىرلى اۆتوموبيلدىڭ ىزىنە تۇسكەن. رەيد بارىسىندا كەمىندە 6 ادام قولعا ءتۇسىپ وتىر.
بەلگىلى بولعانداي، فرانسيا جانە بەلگيا بيلىگى ىزدەۋ سالعان پاريجدەگى لاڭكەستىك ارەكەتكە قاتىسى بار سالاح ابدەسلام اتالعان جانارماي بەكەتىندە ءجيى توقتاعان كورىنەدى، دەپ جازادى 24.kz.
