رەسەيلىك كومپانيا 6 ميلليارد دوللارعا قازاقستان- رەسەي- بەلارۋس كۇرە جولىن سالماق
«ت ا س س» تىلشىسىنە بەرگەن سۇحباتىندا بەيجىڭدەگى جەتىنشى قىتاي شەتەل ينۆەستيتسيالارى (COIFAIR-2015) جارمەڭكەسىنىڭ الاڭىندا وسى كومپانيانىڭ ديرەكتورلار كەڭەسىنىڭ مۇشەسى ماريا ۆيننيچەنكو تاس جول 2019 - جىلى پايدالانۋعا بەرىلەتىنىن ايتتى.
«قازىرگى ۋاقىتتا تامبوۆ وبلىسىندا جولدىڭ ءدالىزى ساتىپ الىندى. جىل سوڭىنا دەيىن يۆەستيتسيانىڭ جالپى سوماسىنىڭ ناقتى باعاسىن ايتا الامىز. قازىرگى باعالاۋ بويىنشا جوبانىڭ جالپى قۇنى 6 ميلليارد دوللاردان اسپايدى، - بۇل سوماعا جەر ساتىپ الۋ مەن ونىڭ قۇرىلىسى دا كىرەدى»، - دەدى ول.
«ءبىز جول قۇرىلىسىن 2017 - جىلى باستاپ، ال 2019 - جىلى پايدالانۋعا ەنگىزۋدى جوسپارلاۋدامىز. قازىر جەر ءدالىزىن ساتىپ الىپ جاتىرمىز جانە مەردىگەرلەرمەن كەلىسسوز جۇرگىزۋدەمىز»، - دەدى ۆيننيچەنكو.
اۆتو جول ورىنبور وبلىسىندا رەسەي مەن قازاقستان شەكاراسىندا ساگارچين كوپ تاراپتى اۆتوموبيل وتكىزۋ پۋنكتىنەن باستالادى. سمولەنسك وبلىسىندا بەلارۋسپەن شەكارادا فەدەرالدىق م1 تاس جولىنا شىعابەرىستە اياقتالادى.
«بۇل ءبىر جاعىندا ەكى قوزعالىس جولاعىمەن جالپى ۇزىندىعى 1956 شاقىرىمدىق اقىلى كۇرە جول، جول رەسەيدىڭ بىرنەشە وڭىرلەرى ارقىلى وتەدى»، - دەپ اتاپ ءوتتى ول.
«ءبىزدىڭ جوبا بويىنشا شاڭحايدان گامبۋرگكە 10-15 كۇن ىشىندە جۇك جەتكىزۋگە بولادى. ءارى مۇنداي تاسىمال تەمىر جول كولىگىنەن بارىنشا ارزانعا تۇسەدى»، - دەپ ءسوزىن تۇيىندەدى ول.
