09:46, 19 - شىلدە 2015 | GMT +5
تانىستارىن 6- قاباتتان قۇلاتىپ ولتىرگەن ەكى قىز ۇستالدى
استانا. قازاقپارات - ماسكەۋ قالاسىندا قۇربىلارىن 6- قاباتتان قۇلاتىپ جىبەردى دەگەن كۇدىكپەن ەكى قىز تۇتقىندالدى، دەپ حابارلادى «ر ي ا نوۆوستي» اگەنتتىگى.
ەسكە سالا كەتەيىك، ماسكەۋدە كەشە قىزدار قۇربىلارىن 6- قاباتتان لاقتىرىپ جىبەرگەنى تۋرالى اقپارات تاراعان. قالالىق اۋرۋحانالاردىڭ بىرىنە بىرنەشە جەردەن سۇيەگى سىنىپ، اۋىر حالدە قىز جەتكىزىلگەن.
تەرگەۋشىلەردىڭ ايتۋى بويىنشا، ول قۇربىلارىمەن بىرىگىپ اراق ىشكەن. وسىدان كەيىن ارالارىندا ۇرىس تۋىپ، سلاۆيان بۋلۆارى كوشەسىندەگى ءۇيدىڭ التىنشى قاباتىنان ونى لاقتىرىپ جىبەرگەن. كىنالى قىزدار باسىندا سۋيتسيد جاسادى دەپ ايتقان.
«سوت وقيعاعا كىنالى ليۋبوۆ مەلنيكوۆا مەن ۆالەنتينا گورشكوۆانى 16- قىرۇيەككە دەيىن قاماۋعا الۋ تۋرالى بۇلتارتپاۋ شاراسىن تاعايىندادى»، دەدى ماسكەۋدىڭ دوروگوميلوۆ سوتىنىڭ باسپا ءسوز قىزمەتىنەن.
