قازاقستاندا 6 ميلليوننان استام ادام سەيسميكالىق قاۋىپتى ايماقتاردا تۇرادى
بۇل تۋرالى بۇگىن توتەنشە جاعدايلاردى جويۋ جانە الدىن الۋ بويىنشا ۆەدومستۆوارالىق مەملەكەتتىك كوميسسيانىڭ وتىرىسىندا ق ر ءى ءى م توتەنشە جاعدايلار كوميتەتى ءتوراعاسىنىڭ ورىنباسارى ۆلاديمير بەككەر ايتتى.
«قازاقستان تەرريتورياسىنىڭ ۇشتەن ءبىر بولىگى سەيسميكالىق قاۋىپتى بولىپ سانالادى، ول جەرلەردە 6 ميلليوننان استام ادام ءومىر سۇرۋدە، 400 دەن استام ەلدى مەكەن ورنالاسقان، سونىمەن قاتار وندىرىستىك الەۋەتتىڭ 40 پايىزى شوعىرلاندىرىلعان. مۇنداي وڭىرلەرگە الماتى، الماتى وبلىسى، شىعىس قازاقستان، جامبىل، قىزىلوردا، ماڭعىستاۋ جانە وڭتۇستىك قازاقستان وبلىستارى جاتادى»، - دەپ اتاپ ءوتتى ول.
ۆ. بەككەردىڭ ايتۋىنشا، قانداي دا ءبىر قۇرىلىس سالۋ بارىسىندا سول ءوڭىردىڭ سەيسميكالىق جاعدايىن باستى نازارعا الىپ، ەۋروپالىق نورمالارعا جۇگىنۋ قاجەت. ءبىلىم بەرۋ جانە دەنساۋلىق ساقتاۋ مەكەمەلەرىن سالۋ كەزىندە ولاردىڭ سەيسميكالىق تۇراقتىلىعىن نىعايتۋ بويىنشا ارنايى باعدارلاما قابىلدانۋ كەرەك.
«قازىرگى ۋاقىتتا رەسپۋبليكا بويىنشا 470 مەكتەپ، 270 اۋرۋحانا، 198 بالاباقشا، 1046 الەۋمەتتىك نىسان جانە 511 ءوندىرىس ورىندارىنىڭ عيماراتى سەيسميكالىق تۇراقتىلىعىن نىعايتۋعا ءزارۋ. ءبىر ايتا كەتەرلىگى، 2010-2015 -جىلدار ارالىعىندا 101 ءبىلىم وشاعى، 50 دەنساۋلىق كەشەنى، 100 ءوندىرىس ورنى ارنايى تۇراقتاندىرۋدان وتكىزىلگەن» ، - دەدى ۆ. بەككەر.
اۆتور: ءابۋ- اسقار مەكەش ۇلى
