قازاقستاننىڭ تەرگەۋ سۋديالارى جىل باسىنان بەرى 6 مىڭ شاعىمدى قارادى
بۇل تۋرالى بۇگىن استانادا وتكەن سەميناردا قىلمىستىق ىستەر جونىندەگى قاداعالاۋشى سوت القاسىنىڭ ءتوراعاسى اباي راحمەتۋللين ءمالىم ەتتى.
ايتا كەتەيىك، 2015-جىلدان باستاپ قازاقستاندا جاڭا قىلمىستىق-پروتسەسسۋالدىق كودەكس بويىنشا تەرگەۋ سۋديالارى لاۋازىمى پايدا بولدى. وسى ارالىقتا ولار 6 مىڭنان استام شاعىم مەن قولداۋحات قاراپ ۇلگەردى.
«2015-جىلى 4 اي ىشىندە تەرگەۋ سۋديالارىنا شەشۋ ءۇشىن 6191 ءوتىنىش پەن ۇسىنىس كەلىپ ءتۇستى. ولاردىڭ ىشىندە 3842 ماتەريال نەمەسە 62 پايىزى ءۇيقاماقتا ۇستاۋعا سانكتسيا بەرۋگە جاتادى. سونىمەن قاتار 2015-جىلدىڭ 4 ايى ىشىندە تەرگەۋ سۋديالارىنا پروكۋرورلار مەن قىلمىستىق قاداعالاۋ ورگاندارىنىڭ ءىس-ارەكەتتەرىنە جانە شەشىمدەرىنە قاتىستى 787 شاعىم ءتۇستى. ولاردىڭ ىشىندە 464 شاعىم قارالدى، سونداي-اق شاعىمنىڭ ۇشتەن ءبىرى تولىق نەمەسە جارتىلاي قاناعاتتاندىرىلدى»، - دەپ اتاپ ءوتتى ول.
ونىڭ سوزىنە قاراعاندا، وزگەرتۋدىڭ نەگىزدەلمەۋىنە سايكەس، 21 پروتسەستىك شەشىم، 36 لاۋازىمدىق تۇلعانىڭ جانە 6 پروكۋروردىڭ ءىس-ارەكەتتەرى زاڭسىز دەپ تانىلدى جانە سوت ول زاڭ بۇزۋشىلىقتاردى جويۋعا مىندەتتەدى.
اتالعان سەميناردى ق ر جوعارى سوتى جانە قازاقستاننىڭ سۋديالار وداعى ۇيىمداستىرىپ وتىر. وعان قازاقستاننىڭ قۇقىق قورعاۋ ورگاندارى مەن سۋديالارىمەن قاتار، گەرمانيا، ا ق ش، مولدوۆا، ەستونيا ەلدەرىنەن شەتەلدىك ساراپشىلار شاقىرىلدى.
اۆتور: جاسۇلان جولدىبايەۆ