قازاق شوۋ- بيزنەسىندە 6 جارىق جۇلدىز پايدا بولدى

ستانا. قازاقپارات - استانادا ونەر جۇلدىزدارى مەن كاسىبي مۋزىكانتتارعا ارنالعان «Zhandaus» اتتى العاشقى پروديۋسەرلىك ورتالىق اشىلدى.

 «Zhandaus» پروديۋسەرلىك ورتالىعىنىڭ نەگىزگى ماقساتى - ونەر جولىندا بۇرىننان جۇرگەنىمەن، ناسيحات جەتىسپەيتىن انشىلەر مەن ەلوردالىق جاس ورىنداۋشىلاردىڭ شىعارماشىلىعىن ەلگە كەڭىنەن تانىتۋ. اتالعان ورتالىق قۇرامىنا قازىر التى جوبا كىرەدى.

پروديۋسەرلىك ورتالىقتىڭ جەتەكشىسى جان مۇقانوۆ:

- بۇل التى جوبا رەسمي تۇردە جۇمىس ىستەپ جاتقانىنا 2 اي بولدى. ءار جوبا وزىنشە ەرەكشە. مىسالى، «قامارسۇلۋ» نەگىزىنەن حالىق اندەرىن ورىنداسا، سارا يساك - ءتۇرلى جانردا، بىرنەشە تىلدە ءان شىرقايدى. ال نينانى الاتىن بولساق، ورىس قىزى ساكسافوندا ويناپ، قازاقشا ءان ايتىپ تۇرعانىن كورسەڭىز قانداي ادەمى.. . ەگىز قىزداردان قۇرالعان «سۇلتانىم»  دۋەتى - قازاق ەستراداسىندا بۇرىن- سوڭدى بولماعان دۋەت. «Smoky Eyes» قازاقستاندا ءالى بەس قىزدان قۇرالعان توپ جوق. قىزداردان قۇرالعان بۇل جوبالاردىڭ ءار قايسىسى ءار ءتۇرلى، ءارى ءبىر بىرىنە ۇقسامايدى. سونىمەن قاتار، بۇل جوباعا ءوزىم شاقىرعان جىگىتىمىز بار. ول انسۇيەر قاۋىمعا «Superstar» جوباسى ارقىلى تانىلىپ، بۇگىندە استانالىق جەكە ورىنداۋشى رەتىندە ساحناعا شىعىپ جۇرگەن رينات مالتساگوۆ، - دەدى.

جان مۇقانوۆتىڭ ايتۋى بويىنشا، قازىرگى ۋاقىتتا اتالعان التى جوبانىڭ دا بەينەباياندارى ءتۇسىرىلىپ بولعان. الداعى كۇندەرى كوپشىلىك قاۋىمنىڭ نازارىنا جول تارتادى. ال ولاردىڭ رەپەرتۋارلارىنداعى اندەردىڭ كوبىن سىرىم ءنابيقۇلوۆ، پاشا لي جازعان.

baq.kz