الماتىدا «قازىرگى زامانعى فرانسۋز كينوسى» 6- فەستيۆالى اشىلادى

استانا. قازاقپارات - 23 -ساۋىردە الماتىدا التىنشى «قازىرگى زامانعى فرانسۋز كينوسى» فەستيۆالى اشىلادى.

داستۇرگە اينالعان شارادا قازاقستاندىق كورەرمەندەر فرانسۋز كينەماتوگرافياسىنىڭ جاڭا دۇنيەلەرىمەن تانىسادى.

فەستيۆالدىڭ باعدارلاماسىندا رەجيسسەر بەنۋا جاكونىڭ «3 جۇرەك» مەلودراماسى، رياد ساتتۋفتىڭ «دجەك ايەلدەر پاتشالىعىندا» («Jacky au royaume des filles») كومەدياسى، سونداي- اق «بولمىسى بولەك جاقىندار» («Les yeux jaunes des crocodiles») مەلودراماسى، «كەدەرگىلەردى ەڭسەرگەن دوستىق» («Dans la cour») مەلودراماسى، «زيلس ماريا» «Clouds of Sils Maria») دراماسى، «ول ونى سۇيەدى» («Elle l'adore») كومەدياسى قامتىلعان.

«قازىرگى زامانعى فرانسۋز كينوسى» فەستيۆالى الماتى قالاسى اكىمدىگىنىڭ قولداۋىمەن ۇيىمداستىرىلىپ وتىر. فەستيۆالدىڭ اشىلۋى مەن جابىلۋى، سونداي-اق ونىڭ نەگىزگى كورسەتىلىمدەرى 23-26 -ءساۋىر ارالىعىندا «ارمان» كينوورتالىعىندا وتەدى، دەپ جازادى kinostan.kz.