ەكى قاباتتى ءۇيىن ايفون 6 سمارتفونىنا اۋىستىرعىسى كەلەدى

استانا. قازاقپارات - امەريكانىڭ دەترويت قالاسىندا ريەلتورلىق اگەنتتىكتىڭ سايتىنا ەر ادام ەكى قاباتتى ءۇيىن ساتاتىنىن نەمەسە ونى iPhone 6-عا ايىرباستايتىنىن ايتىپ، حابارلاندىرۋ قالدىرعان. Fox-2 تەلەارناسى حابارلاعانداي، كىرپىش ءۇي ساتىلىمعا 5 مىڭ دوللارعا ماۋسىم ايىندا قويىلعان. الايدا ءوزىنىڭ ويىنداعىداي بولماعاسىن، ساتۋشى جىلجىمايتىن مۇلىگىن جاڭا iPhone 6-عا نەمەسە جادى 32 گيگابايت بولاتىن iPad پلانشەتىنە اۋىستىرۋعا دايىن ەكەنىن مالىمدەدى.

ال جىلجىمايتىن مۇلىك بويىنشا اگەنت لارري ەلسي بۇنىڭ جالعان حابارلاما ەكەنىن ايتۋدا.

ايتا كەتەيىك، دەترويت وسىدان 40 جىل بۇرىن، امەريكا اۆتوپرومىنىڭ جاعدايى ناشارلاعاندا قۇلدىراي باستادى. قازىر قالادا شاشامەن 700 مىڭعا جۋىق ادام تۇرادى. ون جىل بۇرىن مەگاپوليستىڭ حالقى 1,8 ميلليون ادامدى قۇراعان. دەترويت تۇرعىندارىنىڭ ازايۋىنا بايلانىستى قالالىق قازىناعا تۇسەتىن سالىق ءتۇسىمى دە ازايدى، ينفراقۇرىلىم بۇزىلىپ، قىلمىس دەڭگەيى ءوستى.

«موتورلار قالاسى» بۇرىننان ا ق ش-تىڭ كريمينالدى استاناسى بولىپ سانالادى - ونداعى قىلمىس دەڭگەيى ەلدەگى ورتاشا كورسەتكىشتەن بەس ەسە جوعارى.

2013-جىلدىڭ 3- جەلتوقسانىندا ا ق ش-تىڭ اۆتوكولىك استاناسى بانكروت دەپ تانىلدى. سۋديا قالا ءوز قارىزدارىن تولەي المايدى دەگەن شەشىم شىعاردى. وسىلايشا، دەترويت ا ق ش تاريحىنداعى بانكروت بولعان ءىرى قالاعا اينالدى. «موتورلار قالاسىنىڭ» قارىزى 18 ميلليارد دوللاردى قۇرايدى.